കോട്ടക്കൽ : സ്വർണക്കടത്ത് കേസുമായി ബന്ധപ്പെട്ട് മലപ്പുറം കോട്ടക്കൽ സ്വദേശിയുടെ വീട്ടിൽ എൻഐഎയുടെ പരിശോധന.നേരത്തെ അറസ്റ്റിലായ തെന്നല കോഴിച്ചെനയിൽ പാട്ടത്തൊടി അബ്ദുവിനെ വീട്ടിലാണ് എൻഐഎ റെയ്ഡ് നടത്തിയത്.കേസുമായി ബന്ധപ്പെട്ട് ഇവിടെനിന്നും തെളിവുകൾ കണ്ടെത്തിയതായാണ് സൂചന.
റെയ്ഡ് നടക്കുമ്പോൾ കോട്ടക്കൽ പോലീസും സ്ഥലത്തെത്തിയിരുന്നു.സ്വർണ്ണക്കടത്ത് കേസിലെ പ്രതി റമീസിനെ ചോദ്യം ചെയ്തപ്പോൾ ലഭിച്ച വിവരങ്ങളുടെ അടിസ്ഥാനത്തിലാണ് കോട്ടക്കലെ അബ്ദുവിന്റെ വീട്ടിൽ എൻഐഎ റെയ്ഡ് നടത്തിയത്. എറണാകുളത്തെ എൻഐഎ ഉദ്യോഗസ്ഥനടക്കമുള്ള മൂന്നംഗ സംഘം നടത്തിയ പരിശോധന മൂന്ന് മണിക്കൂറോളം നീണ്ടുനിന്നു.അതേസമയം, സ്വർണക്കടത്ത് കേസുമായി ബന്ധപ്പെട്ട് സംഘത്തിലെ മൂന്നുപേരെ തമിഴ്നാട്ടിലെ കൊച്ചിയിൽ വെച്ച് എൻഐഎ അറസ്റ്റ് ചെയ്തിട്ടുണ്ട്.
Discussion about this post