അയോധ്യ : ലോകത്തിലെ ഹിന്ദുക്കളുടെ സ്വാഭിമാനമാണ് രാമക്ഷേത്രമെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്.അയോധ്യയിൽ ക്ഷേത്രം ഉയരുന്നത് കാണാൻ കാത്തിരുന്നത് നിരവധി തലമുറകളാണെന്നും അദ്ദേഹം പറഞ്ഞു.രാമക്ഷേത്രത്തിന്റെ ശിലാന്യാസത്തിനു ശേഷം വേദിയിൽ സദസ്യരോട് സംസാരിക്കുകയായിരുന്നു അദ്ദേഹം.ക്ഷേത്രം സത്യമാക്കാനുള്ള പരിശ്രമത്തിന് പ്രധാനമന്ത്രി നരേന്ദ്ര മോദി, ആർഎസ്എസ് സർസംഘചാലക് മോഹൻ ഭാഗവത്, രാമക്ഷേത്രം ഒരു പോരാട്ടമായി ഉയർത്തിക്കൊണ്ടുവന്ന മുൻനിരയിൽ നിന്നു നയിച്ച മുതിർന്ന നേതാക്കൾ എന്നിവർക്കും അദ്ദേഹം നന്ദി പ്രകടിപ്പിച്ചു.
പ്രധാനമന്ത്രി നരേന്ദ്രമോദിയാണ് അയോധ്യയിൽ ഉയരാൻ പോകുന്ന രാമക്ഷേത്രത്തിന്റെ ശിലാന്യാസം നിർവഹിച്ചത്.യജ്ഞാചാര്യന്മാരുടെ നിർദ്ദേശാനുസരണം ആയിരുന്നു ഓരോ ചടങ്ങുകളും നരേന്ദ്രമോദി പൂർത്തീകരിച്ചത്.ആർഎസ്എസ് സർസംഘചാലക് മോഹൻ ഭാഗവത്, യോഗാചാര്യൻ ബാബ രാംദേവ്, തുടങ്ങി നിരവധി വിശിഷ്ട വ്യക്തികൾ സന്നിഹിതരായിരുന്നു.രാമക്ഷേത്രത്തിന് വേണ്ടിയുള്ള പോരാട്ടത്തിൽ ജീവൻ ബലി നൽകിയവരുടെ ബന്ധുക്കളെയും ചടങ്ങിനും ക്ഷണിച്ചിരുന്നു.
