മുംബൈ : ദിവസങ്ങളായി പെയ്യുന്ന കനത്ത മഴയിൽ മുങ്ങി മഹാനഗരം.ശക്തമായ കാറ്റും പേമാരിയും നഗരത്തിലെ പല ഭാഗങ്ങളും വെള്ളത്തിലാക്കിയിരിക്കുകയാണ്. ബുധനാഴ്ചയോടെ കൂടുതൽ ശക്തി പ്രാപിച്ച കാറ്റിൽ ബോംബെ സ്റ്റോക്ക് എക്സ്ചേഞ്ചിന്റെ സൈൻബോർഡ് തകർന്നു വീണു.നവി മുംബൈയിലെ ഡി.വൈ പാട്ടീൽ സ്റ്റേഡിയത്തിലും നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്.
ദക്ഷിണ മുംബൈയിലെ ഗിർഗാവോൺ തീരത്ത് കടൽ ഇരച്ചു കയറി റോഡ് മുഴുവൻ വെള്ളത്തിലാണ്.പ്രകൃതിക്ഷോഭത്തിൽ നേരിടാൻ മഹാരാഷ്ട്ര സർക്കാറിനെ സകല വിധ സഹായങ്ങളും കേന്ദ്രസർക്കാർ വാഗ്ദാനം ചെയ്തിട്ടുണ്ട്.അറിയിക്കുന്ന മുറയ്ക്ക്, സാധ്യമായ എല്ലാ പിന്തുണയും നൽകുമെന്ന് പ്രധാനമന്ത്രി നരേന്ദ്രമോദി മുഖ്യമന്ത്രി ഉദ്ധവ് താക്കറെയ്ക്ക് ഉറപ്പു നൽകി.
Discussion about this post