അബുദാബി : ഇസ്രായേൽ ബഹിഷ്കരണവും അതുമായി ബന്ധപ്പെട്ട ശിക്ഷകളും സംബന്ധിച്ച ഫെഡറൽ നിയമം റദ്ദാക്കി യുഎഇ.യു.എ.ഇ പ്രസിഡന്റ് ഷെയ്ഖ് ഖലീഫ ബിൻ സായിദ് അൽ നഹ്യാനാണ് ഇതേ സംബന്ധിച്ച ഉത്തരവ് പുറപ്പെടുവിച്ചത്. ഇസ്രായേലുമായുള്ള നയതന്ത്ര വാണിജ്യ സഹകരണം വിപുലീകരിക്കുന്നതിന്റെ ഭാഗമായാണ് 1972 ലെ പതിനഞ്ചാം നമ്പർ ഫെഡറൽ നിയമം യു.എ.ഇ റദ്ദാക്കിയത്.
യു.എ.ഇയും ഇസ്രായേലും തമ്മിലുള്ള സമാധാന കരാർ പ്രഖ്യാപനത്തിന് പിന്നാലെയാണ് ഈ നടപടി.പുതിയ ഉത്തരവ് പ്രകാരം യു.എ.ഇയിലെ വ്യക്തികൾക്കും കമ്പനികൾക്കും ഇസ്രായേലുമായി സാമ്പത്തിക വാണിജ്യ മേഖലകളിലും മറ്റു ഇടപാടുകളിലും ഏർപ്പെടാനും കരാറുകൾ ഒപ്പുവെയ്ക്കാനും സാധിക്കും.മാത്രമല്ല, ഇസ്രായേലിലെ ഉത്പന്നങ്ങളും ചരക്കുകളും രാജ്യത്ത് എത്തിക്കാനും ക്രയവിക്രയങ്ങൾ നടത്താനും കൈവശം വെക്കാനും പുതിയ ഉത്തരവ് പ്രകാരം അനുവാദമുണ്ടെന്ന് ഔദ്യോഗിക വാർത്താ ഏജൻസി റിപ്പോർട്ട് ചെയ്തിട്ടുണ്ട്.
Discussion about this post