തിരുവനന്തപുരം : കോവിഡ് അൺലോക്ക് നാലാം ഘട്ടത്തിൽ കേന്ദ്ര ആഭ്യന്തര മന്ത്രാലയം പുറപ്പെടുവിച്ച മാർഗനിർദ്ദേശങ്ങളെല്ലാം കേരളത്തിലും ബാധകമായിരിക്കും എന്ന് ചീഫ് സെക്രട്ടറി വിശ്വാസ് മേത്ത.
കണ്ടെയ്ൻമെന്റ് സോണുകളിൽ പ്രഖ്യാപിത ലോക്ഡൗൺ തുടരുകയും മറ്റു സ്ഥലങ്ങളിൽ ഘട്ടങ്ങളായി ഇളവുകൾ നടപ്പാക്കുകയും ചെയ്യും.കേന്ദ്രമന്ത്രാലയത്തിന്റെ നിർദ്ദേശങ്ങൾ നടപ്പിലാക്കപ്പെടുന്നുണ്ടെന്ന് എല്ലാ കളക്ടർമാരും ജില്ലാ പോലീസ് മേധാവികളും ഉറപ്പു വരുത്തണമെന്നും ചീഫ് സെക്രട്ടറി ആവശ്യപ്പെട്ടു.കണ്ടെയ്ൻമെന്റ് സോണുകൾ സംസ്ഥാന ദുരന്തനിവാരണ അതോറിറ്റി നോട്ടിഫൈ ചെയ്യുന്ന രീതി തുടരുമെന്നും അദ്ദേഹം വ്യക്തമാക്കി.ഇത്തരം മേഖലകളിൽ അധികം നിയന്ത്രണങ്ങൾ ആവശ്യമാണെങ്കിൽ നടപ്പിലാക്കാനുള്ള അധികാരം ജില്ലാ കലക്ടർമാർക്ക് നൽകിയിട്ടുണ്ടെന്നും സെക്രട്ടറി കൂട്ടിച്ചേർത്തു.
Discussion about this post