ഇന്ന് ശ്രീകൃഷ്ണ ജയന്തി. ചിങ്ങ മാസത്തിലെ അഷ്ടമിയും രോഹിണി നക്ഷത്രവും ദിനത്തിലാണ് ശ്രീകൃഷ്ണൻ ജനിച്ചത്.അതുകൊണ്ടുതന്നെ ഇന്നത്തെ ദിവസം കൃഷ്ണാഷ്ടമി എന്നും ജന്മാഷ്ടമി എന്നും അറിയപ്പെടാറുണ്ട്.
ശ്രീകൃഷ്ണ ജയന്തി തെക്കേന്ത്യയിലും വടക്കേന്ത്യയിലും വ്യത്യസ്ത ദിവസങ്ങളിലാണ് ആഘോഷിക്കുന്നത്. കേരളത്തിലും ശ്രീകൃഷ്ണ ജയന്തി ആഘോഷം വിപുലമാണ്.
ബാലഗോകുലത്തിന്റെ ആഭിമുഖ്യത്തിലാണ് കേരളത്തിലെ ശ്രീകൃഷ്ണ ജയന്തി ആഘോഷങ്ങള് .
എന്നാ കൊറോണയുടെ പശ്ചാത്തലത്തില് പതിവു ആഘോഷങ്ങള് ഇത്തവണ ഉണ്ടാകില്ല. പതിറ്റാണ്ടുകളായി ശ്രീകൃഷ്ണ ജയന്തി ദിനത്തിൽ നടത്തി വരുന്ന ശോഭയാത്രകൾക്ക് തടസ്സം വരുന്നത് ഇതദ്യമാണ്. എല്ലാ വർഷവും ബാല ഗോകുലത്തിന് കീഴിൽ ആയിരക്കണക്കിന് ശോഭയാത്രകളാണ് സംസഥാനത്ത് സംഘടിപ്പിക്കാറുള്ളത്.
സാങ്കേതിക വിദ്യയുടെ സഹായത്തോടെ മാത്രം നടക്കുന്ന പുതിയ സാഹചര്യത്തിൽ കണ്ണന്റെ ജന്മ ദിനാഘോഷങ്ങളും ഓൺലൈൻ വഴിയാണ് നടക്കുക. ബാല ഗോകുലം സങ്കടിപ്പിക്കുന്ന ഓൺലൈൻ ആഘോഷങ്ങളിൽ നിരവധി പേർ പങ്കെടുക്കും. ശോഭ യാത്രകൾക്ക് പകരമായി വീടുകളിൽ കൃഷ്ണ കുടീരം ഒരുക്കി പുഷ്പാർച്ചനകളും പ്രാർത്ഥനയും നടത്തും. ശ്രീകൃഷ്ണ ജയന്തി ദിനത്തിൽ ഉച്ചയ്ക്ക് കുട്ടികളെ ശ്രീകൃഷ്ണ വേഷം അണിയിച്ചുകൊണ്ട് കൃഷ്ണ – യശോദ സങ്കല്പത്തിൽ കണ്ണനൂട്ട് നടത്തും. കൂടാതെ ശ്രീകൃഷ്ണ വേഷമിടൽ ഉൾപ്പെടെയുള്ള കുട്ടികളുടെ കലാ പരിപാടികൾ, മന്ത്രാർച്ചനകൾ, ദീപാലങ്കാരം എന്നിവയും സംഘടിപ്പിക്കും.
Discussion about this post