തിരുവനന്തപുരം: ബംഗാള് ഉള്ക്കടലില് രൂപമെടുത്ത ന്യൂനമര്ദത്തിന്റെ സ്വാധീനത്താൽ കേരളത്തിൽ മഴ ശക്തമാകുമെന്ന് കാലാവസ്ഥാ റിപ്പോർട്ട്. ഇതിന്റെ അടിസ്ഥാനത്തിൽ സംസ്ഥാനത്ത് 7 ജില്ലകളില് യെല്ലോ അലര്ട്ട് പ്രഖ്യാപിച്ചു.
ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചത്. തീരമേഖലയില് വ്യാപകമായ മഴയും ഒറ്റപ്പെട്ട പ്രദേശങ്ങളില് അതിശക്തമായ മഴയും ലഭിക്കും. നാളെയോടെ മഴ കൂടുതൽ ശക്തമാകുമെന്നും റിപ്പോർട്ടിൽ പറയുന്നു.
തമിഴ്നാട്, പോണ്ടിച്ചേരി, ആന്ധ്രപ്രദേശ്, ഒഡിഷ, ആന്ഡമാന് എന്നിവിടങ്ങളിൽ മത്സ്യത്തൊഴിലാളികള് കടലിൽ പോകരുത്. ബുധനാഴ്ച വരെ മഴ തുടരുമെന്നും കാലാവസ്ഥാ വകുപ്പ് അറിയിക്കുന്നു.
