ഡൽഹി: പ്രതിരോധ മേഖലയുമായി ബന്ധപ്പെട്ട ബേസിക് എക്സ്ചേഞ്ച്, സഹകരണ കരാറിൽ യുഎസും ഇന്ത്യയും തമ്മിൽ ഒപ്പു വച്ചു. ഈ കരാർ ഇരു രാജ്യങ്ങളുടെയും സൈന്യങ്ങൾക്കിടയിൽ അത്യാധുനിക സൈനിക സാങ്കേതികവിദ്യ, ഉപകരണങ്ങൾ, ജിയോസ്പേഷ്യൽ മാപ്പുകൾ എന്നിവ പങ്കിടുന്നതിന് വഴിയൊരുക്കും.
ഇന്ത്യയും അമേരിക്കയും തമ്മിലുള്ള മൂന്നാമത്തെ ഉന്നതതല 2 + 2 ചർച്ചകൾ ഇന്ന് ഡൽഹിയിൽ നടന്നു. ഇരു രാജ്യങ്ങളിലെയും പ്രതിരോധ, വിദേശകാര്യ മന്ത്രിമാർ നിരവധി വിഷയങ്ങൾ കൂടിക്കാഴ്ചയിൽ വിശദമായി ചർച്ച ചെയ്തു. വിദേശകാര്യമന്ത്രി എസ്. ജയ്ശങ്കറും പ്രതിരോധമന്ത്രി രാജ്നാഥ് സിങ്ങും , യുഎസ് പ്രതിരോധ സെക്രട്ടറി മൈക്ക് പോംപിയോ, മാർക്ക് എസ്പർ എന്നിവരുമായാണ് ചർച്ച നടത്തിയത്.
ഇരു രാജ്യങ്ങളും തമ്മിൽ നടക്കുന്ന മൂന്നാം ഘട്ട ‘ടു പ്ലസ് ടു’ ചർച്ചയാണിത്. കിഴക്കൻ ലഡാക്കിലെ സംഘർഷം, യഥാർത്ഥ നിയന്ത്രണ രേഖയുടെ അഭിപ്രായ ,ദക്ഷിണ ചൈനാക്കടലിലെ ചൈനയുടെ ആക്രമണാത്മക സൈനികനീക്കം, എന്നീ വിഷയങ്ങൾ ചർച്ചയിൽ ഉയർന്നുവന്നു. 2 + 2 ചർച്ചകൾക്ക് ശേഷം യുഎസ് സ്റ്റേറ്റ് സെക്രട്ടറി മൈക്ക് പോംപിയോ പ്രധാനമന്ത്രി നരേന്ദ്ര മോദിയെയും കണ്ടു. എന്താണ് BECA കരാർ യഥാർത്ഥത്തിൽ, യുഎസും ഇന്ത്യയുടെ പ്രതിരോധ വകുപ്പുകളുടെ നാഷണൽ ജിയോസ്പേഷ്യൽ-ഇന്റലിജൻസ് ഏജൻസിയും തമ്മിലുള്ള ജിയോസ്പേഷ്യൽ സഹകരണത്തിനുള്ളതാണ് ബിക (ബേസിക് എക്സ്ചേഞ്ച്, സഹകരണ കരാർ) കരാർ.
കരാർ പ്രകാരം ഇന്ത്യയ്ക്ക് കൂടുതൽ പ്രയോജനങ്ങൾ ഉണ്ടാവുമെന്നാണ് വിലയിരുത്തൽ . ഇതോടെ, ഇന്ത്യയ്ക്കും യുഎസിനും മാപ്പുകൾ, മറൈൻ, എയറോനോട്ടിക്കൽ ചാർട്ടുകൾ പോലുള്ള നൂതന ഉപഗ്രഹവും ടോപ്പോഗ്രാഫിക് ഡാറ്റയും പ്രതിരോധ, തന്ത്രപരമായ മേഖലകളുമായി ബന്ധപ്പെട്ട വളരെ സെൻസിറ്റീവ് ഡാറ്റകൾ പങ്കിടാൻ കഴിയും. ഈ കരാർ പ്രകാരം, ഇരു രാജ്യങ്ങൾക്കും ജിയോസ്പേഷ്യൽ വിവരങ്ങളും ഇന്റലിജൻസ് വിലരങ്ങളും കൈമാറാനാകും. ഈ വിവരങ്ങൾ പ്രതിരോധവുമായി ബന്ധപ്പെട്ട ആവശ്യങ്ങൾക്ക് ഉപയോഗിക്കാം.
അമേരിക്കയിൽ നിന്ന് എംക്യു-9 ബി പോലുള്ള ആളില്ലാ ആകാശ വാഹനങ്ങൾ (യു.എ.വി) ലഭിക്കാൻ സഹായിക്കുന്ന ഇന്ത്യയുടെ ഒരു പ്രധാന മുന്നോടിയാണ് ബെക്ക. ഈ കരാർ അമേരിക്കയുടെ വിശാലമായ സാറ്റലൈറ്റ് ശൃംഖലയിലേക്ക് പ്രവേശിക്കാൻ അനുവദിക്കുകയും കൂടുതൽ കൃത്യതയോടെ ശത്രു ലക്ഷ്യങ്ങളെ ലക്ഷ്യമിടാൻ അനുവദിക്കുകയും ചെയ്യും.
Discussion about this post