ശ്രീനഗർ : ലഡാക്കിലും കശ്മീരിലും ഇനിയെല്ലാ ഇന്ത്യക്കാർക്കും ഭൂമി വാങ്ങാം. ഇതുസംബന്ധിച്ച വിജ്ഞാപനം കേന്ദ്രസർക്കാർ പുറത്തുവിട്ടു. ഇന്ത്യക്കാർക്ക് ജമ്മുകശ്മീരിൽ ഭൂമി വാങ്ങാനനുമതി നൽകികൊണ്ടുള്ള ഉത്തരവ് യൂണിയൻ ടെറിട്ടറി ഓഫ് ജമ്മു ആന്റ് കശ്മീർ റീഓർഗനൈസേഷൻ (അഡാപ്റ്റേഷൻ ഓഫ് സെൻട്രൽ ലോസ്) തേർഡ് ഓർഡർ, 2020 എന്നായിരിക്കും അറിയപ്പെടുക.
ജമ്മു കശ്മീരിൽ ഭൂമി വാങ്ങണമെങ്കിൽ ജമ്മു കശ്മീരിലെ സ്ഥിരം നിവാസിയായിരിക്കണമെന്ന വകുപ്പാണ് മോദി സർക്കാർ ഒഴിവാക്കിയത്. ഈ ഉത്തരവ് ഉടൻ തന്നെ പ്രാബല്യത്തിൽ വരുമെന്നാണ് ലഭ്യമായ വിവരങ്ങൾ. കേന്ദ്രസർക്കാരിന്റെ പുതിയ ഉത്തരവിനെ സ്വാഗതം ചെയ്ത് നിരവധി ജമ്മുകശ്മീർ നിവാസികൾ രംഗത്തു വന്നു. രാജ്യത്തിന്റെ പുരോഗതി ലക്ഷ്യമിട്ട് നടപ്പിലാക്കുന്ന കേന്ദ്രസർക്കാരിന്റെ നയങ്ങൾക്കെതിരെ തടസ്സം നിൽക്കാറുള്ള പ്രതിപക്ഷ പാർട്ടികൾ, പതിവുപോലെ കേന്ദ്രത്തിന്റെ ഈ പുതിയ നീക്കത്തിനെതിരെയും പ്രതിഷേധമറിയിച്ചിട്ടുണ്ട്.
ആർട്ടിക്കിൾ 370 റദ്ദാക്കിയതിനു പിന്നാലെ, കശ്മീരിൽ മറ്റു സംസ്ഥാനങ്ങളിൽ നിന്നുള്ളവർക്ക് ജോലി ലഭിക്കുന്നതിനുള്ള നിയന്ത്രണങ്ങളും മോദി സർക്കാരെടുത്തു മാറ്റിയിരുന്നു.
Discussion about this post