കണ്ണൂർ: 13 വയസ്സുകാരി പീഡനത്തിനിരയായ സംഭവത്തിൽ നിർണ്ണായകമായ വഴിത്തിരിവ്. തന്നെ പീഡിപ്പിച്ചു ഗർഭിണിയാക്കിയത് സ്വന്തം അച്ഛനാണെന്ന് കുട്ടി പോലീസിനു മൊഴി നൽകി. ബന്ധുവായ പത്താം ക്ലാസുകാരന്റെ പേരായിരുന്നു കുട്ടി ആദ്യം പറഞ്ഞിരുന്നത്.
പിതാവിന്റെ ഭീഷണിയെ തുടർന്നാണ് താൻ ഇത്തരത്തിൽ മൊഴി നൽകിയതെന്നും കുട്ടി പറഞ്ഞു. വിദേശത്തായിരുന്ന പിതാവ് അവധിക്ക് നാട്ടിലെത്തിയപ്പോഴാണ് കുട്ടിയെ പീഡിപ്പിച്ചു ഗർഭിണിയാക്കിയത്. ഇയാൾ പലതവണ തന്നെ ശാരീരികമായി ഉപദ്രവിച്ചിട്ടുണ്ടെന്ന് കുട്ടി പറയുന്നു. ദിവസങ്ങൾക്ക് മുമ്പ് ശാരീരിക അസ്വസ്ഥതകൾ അനുഭവപ്പെട്ട കുട്ടിയെ ആശുപത്രിയിൽ എത്തിച്ചപ്പോഴാണ് ഗർഭിണിയാണെന്ന വിവരം പുറത്തറിഞ്ഞത്.
കഴിഞ്ഞ ഡിസംബറിൽ, വീട്ടിലാരുമില്ലാത്ത ദിവസം ബന്ധുവായ പത്താംക്ലാസുകാരി മൊബൈലിൽ അശ്ലീല ദൃശ്യങ്ങൾ കാണിച്ചു തന്നെ പീഡിപ്പിച്ചെന്നായിരുന്നു കുട്ടിയുടെ ആദ്യ മൊഴി. എന്നാൽ, പെൺകുട്ടിയുടെ മൊഴിയിലെ പരസ്പര വൈരുധ്യങ്ങൾ സംശയം തോന്നിയ പോലീസ് പിന്നീട് നടത്തിയ വിശദമായ അന്വേഷണത്തിൽ സത്യം തെളിയുകയായിരുന്നു. വനിതാ പോലീസുകാരും കൗൺസിലിംഗ് വിദഗ്ധരും ചേർന്ന സംഘം കുട്ടിയോട് സംസാരിച്ചപ്പോഴാണ് കുട്ടി സത്യാവസ്ഥ വെളിപ്പെടുത്തിയത്.
Discussion about this post