മലപ്പുറം : മലപ്പുറം ജില്ലയിലെ നിലമ്പൂർ പോത്തുങ്കൽ ഞെട്ടിക്കുളത്ത് അമ്മയേയും മൂന്നു മക്കളെയും മരിച്ച നിലയിൽ കണ്ടെത്തിയതിനു പിന്നാലെ ഗൃഹനാഥനും ജീവനൊടുക്കി. ഗൃഹനാഥനായ വിനീഷാണ് (36) ആത്മഹത്യ ചെയ്തത്. റബർ തോട്ടത്തിൽ തൂങ്ങിമരിച്ച നിലയിൽ വിനീഷിന്റെ മൃതദേഹം കണ്ടെത്തുകയായിരുന്നു.
ശനിയാഴ്ചയാണ് വിനീഷിന്റെ ഭാര്യ രഹന(34) മക്കളായ ആദിത്യൻ(13), അർജുൻ(11), അനന്തു (7) എന്നിവരെ മരിച്ച നിലയിൽ കണ്ടെത്തിയത്. നേരത്തെ ഇവർ ജീവനൊടുക്കിയ സംഭവത്തിൽ വിനീഷിനെതിരെ രഹനയുടെ കുടുംബം രംഗത്തുവന്നിരുന്നു. വിനീഷിന് മറ്റൊരു സ്ത്രീയുമായുള്ള ബന്ധമാണ് കുടുംബ പ്രശ്നങ്ങളുടെ കാരണമെന്നും കഴിഞ്ഞ മൂന്നുവർഷമായി കുടുംബത്തിനുള്ളിൽ പ്രശ്നങ്ങളുണ്ടെന്നും രഹനയുടെ പിതാവ് രാജൻ ആരോപിച്ചു. ഭാര്യയും മൂന്നുമക്കളും ആത്മഹത്യ ചെയ്ത വിവരം വിനീഷ് തന്നെയാണ് വിളിച്ചറിയിച്ചതെന്ന് രാജൻ പറയുന്നു.
