ബംഗലൂരു: മയക്കുമരുന്ന് കേസുമായി ബന്ധപ്പെട്ട സാമ്പത്തിക ഇടപാടുകളിൽ എൻഫോഴ്സ്മെന്റ് അന്വേഷണം നേരിടുന്ന ബിനീഷ് കോടിയേരിക്കെതിരെ നിർണ്ണായക നീക്കവുമായി നാർക്കോട്ടിക്സ് കണ്ട്രോൾ ബ്യൂറോ. കേസുമായി ബന്ധപ്പെട്ട് ചോദ്യം ചെയ്യലിനായി ബിനീഷിനെ എൻസിബി കസ്റ്റഡിയിൽ എടുത്തു.
കസ്റ്റഡിയിലെടുത്ത ബിനീഷിനെ ചോദ്യം ചെയ്യുന്നതിനായി എൻസിബി ഓഫീസിലേക്ക് കൊണ്ടു പോയി. മയക്കുകരുന്ന് കേസിൽ ആദ്യം നടപടികൾ ആരംഭിച്ചത് എൻസിബി ആയിരുന്നു. അനൂപ് മുഹമ്മദ് ഉൾപ്പെടെയുള്ളവരുടെ പങ്ക് വെളിച്ചത്ത് കൊണ്ടു വന്നതും തുടർന്ന് ബിനീഷ് അടക്കമുള്ള പ്രതികളുടെ അറസ്റ്റിലേക്ക് നടപടികൾ എത്തിയതും എൻസിബിയുടെ കണ്ടെത്തലുകളെ തുടർന്നായിരുന്നു.
എന്നാൽ മയക്കുമരുന്ന് കേസുമായി ബന്ധപ്പെട്ട സാമ്പത്തിക ക്രമക്കേടുകളും ബിനാമി ഇടപാടുകളും അന്വേഷിക്കുന്നതിനായി ബിനീഷിനെ എൻഫോഴ്സ്മെന്റ് കസ്റ്റഡിയിൽ എടുക്കുകയായിരുന്നു. മയക്കുമരുന്ന് കേസിലെ ബിനാമി ഇടപാടുകളും ഇഡി പരിശോധിച്ചിരുന്നു. കേസിൽ ബിനീഷിനെതിരെ തെളിവുകൾ ബലപ്പെട്ടതോടെയാണ് ഇഡി നിർണ്ണായക നീക്കം നടത്തിയിരിക്കുന്നത്.
Discussion about this post