ന്യൂഡൽഹി: കോവിഡ് വാക്സിന്റെ മൂന്നാം ഘട്ട പരീക്ഷണം ഇന്നു മുതൽ ആരംഭിക്കും. ഹരിയാന ആരോഗ്യമന്ത്രി അനിൽ വിജാണ് ആദ്യ ഡോസ് സ്വീകരിക്കുക. അദ്ദേഹം തന്നെയാണ് തന്റെ ട്വിറ്റർ പേജിലൂടെ ഇക്കാര്യം പുറത്തുവിട്ടത്.
ഹരിയാനയിലാണ് വാക്സിൻ മൂന്നാം ഘട്ട പരീക്ഷണവുമാരംഭിക്കുക.കോവാക്സിൻ എന്നാണ് പ്രതിരോധ വാക്സിന് പേരിട്ടിരിക്കുന്നത്. വാക്സിൻ പരീക്ഷിക്കാൻ താൻ തയ്യാറാണെന്ന് മന്ത്രി നേരത്തേ വ്യക്തമാക്കിയിരുന്നു.
ഓക്സ്ഫർഡ് സർവ്വകലാശാല വികസിപ്പിച്ച ആസ്ട്ര സിനാക്ക, കാഡില്ല തുടങ്ങി 5 വാക്സിനുകളാണ് നിലവിൽ ഇന്ത്യയിൽ ക്ലിനിക്കൽ പരീക്ഷണ ഘട്ടത്തിൽ ഉള്ളത്.
I Will be administered trial dose of Coronavirus vaccine #Covaxin a Bharat Biotech product Tomorrow at 11 am at Civil Hospital, Ambala Cantt under the expert supervision of a team of Doctors from PGI Rohtak and Health Department. I have volunteered to take the trial dose.
— Anil Vij Ex – Home Minister Haryana, India (@anilvijminister) November 19, 2020
