ഡല്ഹി: പുതിയ ദേശീയ വിദ്യാഭ്യാസ നയം വിദ്യാര്ത്ഥികളുടെ ആത്മവിശ്വാസം വര്ദ്ധിപ്പിക്കുമെന്ന് പ്രധാനമന്ത്രി നരേന്ദ്രമോദി. രാജ്യത്തെ യുവാക്കള്ക്ക് ആത്മവിശ്വസവും ആത്മപരിശോധനയും നടത്താന് ഇത് സഹായിക്കുമെന്നും ഇതാണ് പുതിയ വിദ്യാഭ്യാസ നയത്തിന്റെ ലക്ഷ്യമെന്നും അദ്ദേഹം പറഞ്ഞു.
“രാജ്യത്തെ യുവാക്കള് സ്വയം തിരിച്ചറിയുകയെന്നതാണ് പുതിയ ദേശീയ വിദ്യാഭ്യാസ നയത്തിന്റെ ലക്ഷ്യം.” ലക്നൗ സര്വകലാശാലയുടെ ശദാബ്തി ആഘോഷങ്ങളുടെ ഭാഗമായി നടന്ന വെര്ച്വല് പരിപാടിയില് പങ്കെടുത്തു കൊണ്ട് പ്രധാനമന്ത്രി വ്യക്തമാക്കി.
കേന്ദ്ര സര്ക്കാരിന്റെ പുതിയ വിദ്യാഭ്യാസ നയം സമൂഹത്തെ മുന്നോട്ട് കൊണ്ടുപോകുമെന്നും “ഏക് ഭാരത്, ശ്രേഷ്ഠ ഭാരത്”, ഒരു സ്വാശ്രയ ഇന്ത്യ എന്നിവയുടെ അടിത്തറയായിരിക്കും പുതിയ വിദ്യാഭ്യാസ നയമെന്നും യു.പി മുഖ്യമന്ത്രി യോഗി ആദിത്യനാഥ് പറഞ്ഞു.
Discussion about this post