തിരുവനന്തപുരം: മുസ്ലീം ലീഗിനെതിരായ മുഖ്യമന്ത്രിയുടെ പ്രസ്താവനയെ അനുകൂലിച്ച് സി.പി.എം സംസ്ഥാന സെക്രട്ടറി എ. വിജയരാഘവന്. മുസ്ലീം ലീഗ് വര്ഗീയ പാര്ട്ടിയാണെന്ന് അദ്ദേഹം പറഞ്ഞു. രാഷ്ട്രീയ ലാഭത്തിനായി മതേതര ചേരിയിലുള്ള മുസ്ലീങ്ങളെ ലീഗ് മതമൗലികവാദ ചേരിയിലേക്ക് വഴിമാറ്റിയെന്നും മുഖ്യമന്ത്രി ഇക്കാര്യം ചൂണ്ടിക്കാട്ടിയിട്ടുണ്ടെന്നും അദ്ദേഹം പറഞ്ഞു.
എല്ലാ വര്ഗീയതയ്ക്കുമൊപ്പം സന്ധിചെയ്ത് കേരളത്തെ നിയന്ത്രിക്കാനാണ് ലീഗ് ശ്രമിച്ചത്. കേരളത്തില് മതമൗലികവാദം വളരാന് പാടില്ല. ഈ രാഷ്ട്രീയ നിലപാടാണ് മുഖ്യമന്ത്രിക്കുള്ളത്. ആ രാഷ്ട്രീയ നിലപാടിന് സമൂഹ താത്പര്യമുണ്ട്. സ്വന്തം വര്ഗീയ വാദത്തിന്റെ കരുത്തില് കേരളത്തെ തന്നെ നിയന്ത്രിക്കുക എന്ന നിഗൂഢ താത്പര്യം ലീഗിനുണ്ട്. കോണ്ഗ്രസ് അതിന് വിധേയമാകുമെന്നും വിജയരാഘവൻ പറഞ്ഞു.
തികച്ചും അവസരവാദപരമായ രാഷ്ട്രീയം തദ്ദേശ തിരഞ്ഞെടുപ്പില് സ്വീകരിച്ചത് ലീഗായിരുന്നു. കോണ്ഗ്രസ് ഇതിന്റെ ഫലം പറ്റിയെന്നും അദ്ദേഹം കൂട്ടിച്ചേർത്തു.
Discussion about this post