ന്യൂഡൽഹി: ഭാരതത്തിന്റെ അഭിമാനമാണ് വിശ്വഭാരതി സർവ്വകലാശാലയെന്ന് പ്രധാനമന്ത്രി നരേന്ദ്രമോദി. മികവിന്റെ പര്യായമാണ് ഈ സർവകലാശാലയെന്നും അദ്ദേഹം പറഞ്ഞു. വിശ്വഭാരതി സർവകലാശാലയുടെ ശതാബ്ദി ആഘോഷത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
“വിദ്യാഭ്യാസത്തിന്റെ മഹത്വം ഉദ്ഘോഷിച്ച സ്ഥാപനമാണ് വിശ്വഭാരതി സർവ്വകലാശാല. ആഗോള വിദ്യാഭ്യാസ രംഗത്ത് മാതൃകയാണ് വിശ്വഭാരതി. ദേശീയതയുടെ പ്രതീകമായ സർവകലാശാല നവഭാരതം വാർത്തെടുക്കാനും മുൻപന്തിയിലാണ്”-പ്രധാനമന്ത്രി കൂട്ടിച്ചേർത്തു.
യോഗത്തിൽ സർവകലാശാലയുടെ സ്ഥാപകനായ രബീന്ദ്രനാഥ ടാഗോറിനെ മോദി അനുസ്മരിച്ചു. ടാഗോറിന്റെ ആശയങ്ങൾ ഭാരതത്തിന് ഇപ്പോഴും ഊർജ്ജം പകരുന്നതാണെന്നും സ്വയം പര്യാപ്തതയുടെ പാഠമാണ് ടാഗോർ പകർന്നു നൽകിയതെന്നുമാണ് അദ്ദേഹം പറഞ്ഞത്. മാത്രമല്ല, ആത്മനിർഭർ ഭാരത് രബീന്ദ്രനാഥ ടാഗോറിന്റെ സ്വപ്നമായിരുന്നതിനാൽ അദേഹത്തിന്റെ ആശയങ്ങളാണ് ആത്മനിർഭർ ഭാരതിൽ ഉൾകൊള്ളുന്നതെന്നും മോദി വ്യക്തമാക്കി.
Discussion about this post