ചെന്നൈ: രാഷ്ട്രീയത്തിലേക്കില്ല. രാഷ്ട്രീയപാര്ട്ടി പ്രഖ്യാപനത്തില് നിന്ന് പിന്മാറി സൂപ്പര് താരം രജനീകാന്ത്. ആരോഗ്യകാരണങ്ങളാല് രാഷ്ട്രീയപ്രവേശനം ഒഴിവാക്കുന്നുവെന്നാണ് പ്രസ്താവനയിലൂടെ താരം അറിയിച്ചിരിക്കുന്നത്. കടുത്ത നിരാശയോടെയാണ് താൻ ഈ തീരുമാനം അറിയിക്കുന്നതെന്നും താരം ആരാധകരോട് പ്രസ്താവനയിലൂടെ പറഞ്ഞു.
ആരോഗ്യപ്രശ്നങ്ങള് കാരണമാണ് രാഷ്ട്രീയത്തില് നിന്ന് പിന്മാറുന്നതെന്നാണ് താരത്തിന്റെ വിശദീകരണം. കടുത്ത രക്തസമ്മര്ദ്ദത്തെത്തുടര്ന്ന് ആരോഗ്യനില മോശമായ രജനീകാന്തിനെ ‘അണ്ണാത്തെ’ എന്ന ചിത്രത്തിന്റെ സെറ്റില് നിന്ന് ആശുപത്രിയില് പ്രവേശിപ്പിച്ചിരുന്നു. രജനീകാന്തിന്റെ പാര്ട്ടി പ്രഖ്യാപനം ഡിസംബര് 31ന് നടക്കുമെന്നാണ് നേരത്തേ താരം തന്നെ വ്യക്തമാക്കിയത്.
Discussion about this post