ന്യൂഡല്ഹി: രാജ്യത്തെ വിവിധ സംസ്ഥാനങ്ങള് കൊണ്ടുവന്ന ലൗജിഹാദ് നിയമങ്ങള് പരിശോധിക്കാന് ഒരുങ്ങി സുപ്രീംകോടതി. ഇതു സംബന്ധിച്ച രണ്ടു വ്യത്യസ്ത ഹര്ജികളില് ഉത്തര്പ്രദേശ്, ഉത്തരാഖണ്ഡ് സംസ്ഥാന സര്ക്കാരുകള്ക്ക് കോടതി നോട്ടീസയച്ചു. അതേ സമയം നിയമം സ്റ്റേ ചെയ്യാന് സുപ്രീംകോടതി വിസമ്മതിച്ചു.
നിയമവിരുദ്ധ മതപരിവര്ത്തനങ്ങള്ക്കെതിരേ കൊണ്ടു വന്ന നിയമത്തിന്റെ ഭരണഘടനാ സാധുത പരിശോധിക്കുമെന്ന് സുപ്രീംകോടതി അറിയിച്ചു. ചീഫ് ജസ്റ്റിസ് എസ്.എ.ബോബ്ഡെ അധ്യക്ഷനായ ബെഞ്ചാണ് ഹര്ജികള് പരിഗണിച്ചത്. ഉത്തര്പ്രദേശിലെ നിയമവിരുദ്ധ മതപരിവര്ത്തന ഓര്ഡിനന്സ് 2020, ഉത്തരാഖണ്ഡിലെ മതസ്വാതന്ത്ര്യ നിയമം 2018 എന്നിവയുടെ ഭരണഘടനാ സാധുത ചോദ്യം ചെയ്തുകൊണ്ടുള്ളതാണ് ഹര്ജികള്.
read also: ബിഹാറില് കോണ്ഗ്രസ് തകർന്നടിയുന്നു , പാർട്ടിവിടാനൊരുങ്ങി 11 എംഎൽഎമാർ
ഇതുമായി ബന്ധപ്പെട്ട ഹര്ജികള് ഇതിനോടകം പരിഗണനയിലുണ്ടെന്ന് സോളിസിറ്റര് ജനറല് തുഷാര് മെഹ്ത പറഞ്ഞതിനെ തുടര്ന്ന് ഹര്ജിക്കാരനോട് അലഹബാദ് ഹൈക്കോടതിയെ സമീപിക്കാന് സുപ്രീംകോടതി നിര്ദേശിച്ചു.
