മുംബൈ: മഹാരാഷ്ട്ര പഞ്ചായത്ത് തെരഞ്ഞെടുപ്പിൽ ശിവസേനയും ബിജെപിയും ഒപ്പത്തിനൊപ്പം മുന്നേറുന്നു. നിലവിൽ ശിവസേന 1735 പഞ്ചായത്തുകളിലും ബിജെപി 1601 പഞ്ചായത്തുകളിലുമാണ് മുന്നേറ്റം തുടരുന്നത്. 1394 പഞ്ചായത്തുകളിൽ കോൺഗ്രസും 1207 ഇടങ്ങളിൽ എൻസിപിയും മുന്നേറുന്നു.
എൻസിപി നേതാവ് ഏക്നാഥ് ഖാഡ്സെയുടെ ഗ്രാമത്തിൽ പതിനൊന്നിൽ ആറ് പഞ്ചായത്തുകളിൽ ബിജെപി വിജയിച്ചു. പഞ്ചായത്ത് തെരഞ്ഞെടുപ്പിൽ ഏറ്റവും വലിയ ഒറ്റക്കക്ഷിയായി ബിജെപി മാറുകയാണ്. ജൽഗാവിലെ 90 പഞ്ചായത്തുകളിൽ 75ലും ബിജെപി മുന്നിട്ട് നിൽക്കുന്നു.
കല്യാണിലും ബിജെപി മുന്നേറുകയാണ്. നാഗ്പുരിൽ 15 പഞ്ചായത്തുകളിൽ ബിജെപി വിജയിച്ചു. കോൺഗ്രസ് ശക്തികേന്ദ്രമായ കോലാപ്പുരിൽ ശിവസേനക്കാണ് മുൻതൂക്കം.
പാർട്ടി ചിഹ്നങ്ങളിലല്ല മഹാരാഷ്ട്രയിൽ പഞ്ചായത്ത് തെരഞ്ഞെടുപ്പ് നടന്നത്. എന്നാൽ പാനലുകളെ നിർത്തിയിരിക്കുന്നത് വിവിധ രാഷ്ട്രീയ പാർട്ടികളാണ്.
Discussion about this post