കൊൽക്കത്ത: നേതാജി സുഭാഷ് ചന്ദ്ര ബോസിന്റെ നൂറ്റിയിരുപത്തിയഞ്ചാം ജന്മവാർഷികത്തിന് രാഷ്ട്രപതി രാമ്നാഥ് കോവിന്ദ് അനാച്ഛാദനം ചെയ്ത ചിത്രത്തെ ചുറ്റിപ്പറ്റിയുള്ള വിവാദത്തിൽ സ്ഥിരീകരണവുമായി നേതാജിയുടെ കൊച്ചു മകൻ. രാഷ്ട്രപതി അനാച്ഛാദനം ചെയ്ത ചിത്രം നേതാജിയുടേത് തന്നെയാണെന്ന് സി കെ ബോസ് വ്യക്തമാക്കി.
This is the original photograph of #NetajiSubhasChandraBose, based on which renowned artist Shri #PareshMaity has drawn the portrait which was unveiled at Rashtrapati Bhavan on 23 Jan 2021, by Hon’ble President of India-Shri Ram Nath Kovind ji. @rashtrapatibhvn @narendramodi pic.twitter.com/WTOHqtgs3p
— Chandra Kumar Bose (@Chandrakbose) January 25, 2021
പ്രമുഖ ചിത്രകാരൻ പരേഷ് മെയ്തി വരച്ച നേതാജിയുടെ ചിത്രത്തിന്റെ ഫോട്ടോയാണ് കഴിഞ്ഞ ദിവസം രാഷ്ട്രപതി ഭവനിൽ രാഷ്ട്രപതി രാമ്നാഥ് കോവിന്ദ് അനാച്ഛാദനം ചെയ്തതെന്ന് സി കെ ബോസ് ട്വിറ്ററിലൂടെ വ്യക്തമാക്കി. പുതിയ കളർ ചിത്രത്തിന്റെ പഴയ ബ്ലാക്ക് ആൻഡ് വൈറ്റ് പതിപ്പും അദ്ദേഹം ട്വിറ്ററിൽ പങ്ക് വെച്ചിട്ടുണ്ട്. ഇതോടെ കോൺഗ്രസും തൃണമൂലും ഉയർത്തിക്കൊണ്ട് വന്ന വിവാദം അവർക്ക് തന്നെ തിരിച്ചടിയായി.
പരാക്രം ദിവസിന്റെ ഭാഗമായി രാഷ്ട്രപതി അനാച്ഛാദനം ചെയ്തത് നേതാജിയുടെ ചിത്രമല്ലെന്നും നടൻ പ്രസേനജിത്ത് ചാറ്റർജ്ജിയുടെ ചിത്രമാണെന്നുമായിരുന്നു കോൺഗ്രസിന്റെയും തൃണമൂലിന്റെയും വാദം. തൃണമൂൽ എം പി മഹുവ മോയിത്ര തുടങ്ങി വെച്ച വിവാദം പിന്നീട് കോൺഗ്രസ് ഏറ്റെടുക്കുകയായിരുന്നു.
നേതാജിയെ പോലും തിരിച്ചറിയാനാവത്ത നേതൃത്വം എന്നായിരുന്നു പ്രതിപക്ഷം ഉന്നയിച്ച വിമർശനം. എന്നാൽ ശരിക്കും നേതാജിയെ തിരിച്ചറിയാത്തത് തൃണമൂലിനും കോൺഗ്രസിനുമാണ് എന്നാണ് ബിജെപി ഇപ്പോൾ ആരോപിക്കുന്നത്.
