ഡല്‍ഹി:ഗാസിയാപൂര്‍ അതിര്‍ത്തിയില്‍ കുത്തിയിരിപ്പ് സമരം അവസാനിപ്പിക്കാന്‍ കര്‍ഷകര്‍ക്ക് ജില്ലാ ഭരണകൂടം ഇന്നലെ അന്ത്യശാസനം നല്‍കിയിരുന്നു. അര്‍ദ്ധസൈനികരെയും പോലീസിനെയും അധികമായി വിന്യസിക്കുകയും ചെയ്തു. രാകേഷ് ടിക്കായത്തിനെ അറസ്റ്റു ചെയ്യുമെന്ന സ്ഥിതിയും പ്രതിഷേധക്കാരില്‍ ആശങ്കയുണ്ടാക്കിയിരുന്നു. രാകേഷ് ടിക്കായത്ത് കീഴടങ്ങാന്‍ പോകുകയാണോ അതോ അറസ്റ്റ് ചെയ്യപ്പെടുമോ എന്ന അഭ്യൂഹമായിരുന്നു നിലനിന്നത്. .
അറസ്റ്റും നടപടികളും ഭയന്ന് കിടക്കകളും ബാഗുകളും എടുത്ത് കൂട്ടത്തോടെ മടങ്ങാന്‍ തയ്യാറെടുക്കുകയും ചെയ്തു. പ്രതിഷേധക്കാര്‍ കൂട്ടത്തോടെ മടങ്ങിയാല്‍ തന്നെ പോലീസ് അറസ്റ്റ് ചെയ്യുമെന്ന് ഉറപ്പായ രാകേഷ് ടിക്കായത്തിന്റെ ഭാഗത്ത് നിന്ന് പിന്നീട് വലിയ നാടകമാണ് അരങ്ങേറിയത്. മാധ്യമങ്ങള്‍ക്ക് മുന്നില് രാകേഷ് ടിക്കായത്ത് പൊട്ടിക്കരഞ്ഞു. പോലീസ് കള്ളക്കേസെടുത്തെന്നും അറസ്റ്റ് ചെയ്താല്‍ ആത്മഹത്യ ചെയ്യുമെന്നും ഭീഷണി മുഴക്കിയാണ് രാകേഷ് മാധ്യമങ്ങള്‍ക്ക് മുന്നില് കരഞ്ഞത്.
ഇത് സമരക്കാരുടെ മാനസികാവസ്ഥയെ മാറുകയായിരുന്നു. ഇതോടെ പോലീസ് ബിയാരംഗിലേക്ക് മടങ്ങേണ്ടിവന്നു. പോലീസിനെയും റാപ്പിഡ് ആക്ഷന്‍ ഫോഴ്‌സ് ഉദ്യോഗസ്ഥരെയും ധാരാളം വിന്യസിച്ചിരുന്നു . പ്രദേശത്ത് നിരോധനാജ്ഞയും പ്രഖ്യാപിച്ചിരുന്നു പിക്കറ്റ് അവസാനിപ്പിക്കില്ലെന്ന് അദ്ദേഹത്തിന്റെ സഹോദരന്‍ നരേഷ് ടിക്കൈറ്റ് പ്രഖ്യാപിക്കുകയും ചെയ്തു.. എന്നാല്‍ പിന്നീട് പത്രസമ്മേളനത്തില്‍ രാകേഷ് ടിക്കൈറ്റ് വികാരാധീനനായി കണ്ണുനീര്‍ ഒഴുക്കിയപ്പോള്‍ ഒരു നിമിഷം കൊണ്ട് സാഹചര്യം മാറുകയായിരുന്നു. റിപ്പബ്ലിക് ദിനത്തില്‍ കലാപത്തിന് ആഹ്വാനം ചെയ്യുന്ന രാകേഷ് ടിക്കായത്തിന്റെ വീഡിയോ വൈറലായിരുന്നു. ഇതോടെ അറസ്റ്റ് ഉറപ്പായതിനാലാണ് രാകേഷ് ടിക്കായത്തിന്റെ നാടകം.
Discussion about this post