ബംഗളൂരു: ഗ്രെറ്റ തന്‍ബര്‍ഗ് ഉള്‍പ്പെട്ട ടൂള്‍ കിറ്റ് കേസില്‍ യുവ പരിസ്ഥിതി പ്രവര്‍ത്തക ദിഷ രവിയുടെ അറസ്റ്റില്‍ രൂക്ഷ വിമര്‍ശനവുമായി മീന ഹാരിസ്. കര്‍ഷകര്‍ക്കായി സംസാരിച്ചതിന് ഇന്ത്യന്‍ സര്‍ക്കാര്‍ ഒരാളെ കൂടി അറസ്റ്റ് ചെയ്തിരിക്കുന്നുവെന്ന് അവര്‍ ട്വിറ്ററില്‍ കുറിച്ചു. എന്തുകൊണ്ടാണ് ഇന്ത്യന്‍ സര്‍ക്കാര്‍ ആക്ടിവ്സ്റ്റുകളെ ലക്ഷ്യമിടുകയും നിശബ്ദരാക്കുകയും ചെയ്യുന്നതെന്നും അവര്‍ ചോദിച്ചു.
എന്നാൽ മീന ഹാരിസിന്റെ പ്രവർത്തനങ്ങളിൽ വൈറ്റ് ഹൗസിന് അതൃപ്തിയാണ് ഉള്ളത്. സോഷ്യൽ മീഡിയയിൽ ഇവരുടെ സ്വന്തം പ്രശസ്തി ഉയർത്താനായി ഇവർ കമലാ ഹാരിസിന്റെ പേര് ഉപയോഗിക്കുന്നതിനെതിരെയാണ്‌ വിമർശനം. കമല ഹാരിസ് വൈസ് പ്രസിഡന്റായി തിരഞ്ഞെടുക്കപ്പെട്ട് വൈറ്റ് ഹൌസില്‍ എത്തിയതോടെ മീനയുടെ പ്രമോഷണല്‍ പരിപാടികള്‍ കമല ഹാരിസിന് ചില ബുദ്ധിമുട്ടുകള്‍ ഉണ്ടാക്കിയേക്കാമെന്നാണ് വൈറ്റ്ഹൌസ് വൃത്തങ്ങളില്‍ നിന്ന് പുറത്ത് വരുന്ന റിപ്പോര്‍ട്ടുകള്‍.
മരുമകള്‍ ചില പെരുമാറ്റങ്ങളിലും രീതികളിലും മാറ്റം വരുത്തേണ്ടതുണ്ടെന്ന് ഉദ്യോഗസ്ഥരില്‍ ചിലര്‍ പറയുന്നു. ഇന്‍സ്റ്റാഗ്രാമില്‍ 800,000-ത്തിലധികം ഫോളോവേഴ്‌സ് ഉള്ള അഭിഭാഷകയും സംരംഭകയുമാണ് മീന ഹാരിസ്. രാഷ്ട്രീയം മുതല്‍ വ്യക്തിപരമായ കാര്യങ്ങള്‍ വരെ അടങ്ങുന്നതാണ് ഇവരുടെ പോസ്റ്റുകള്‍. കുട്ടികളുടെ പുസ്തകങ്ങള്‍ അടക്കം കമല ആന്‍ഡ് മായാസ് ബിഗ് ഐഡിയ (Kamala and Maya’s Big Idea) എന്ന പുസ്തകം വരെ ഇവര് പുറത്തിറക്കിയിട്ടുണ്ട്.
Phenomenal എന്ന വനിതാ ചാരിറ്റബിള്‍ വസ്ത്ര ബ്രാന്‍ഡിന്റെ സ്ഥാപകയുമാണ് മീന ഹാരിസ്.തെരഞ്ഞെടുപ്പിനുശേഷം, വൈറ്റ് ഹൌസ് അഭിഭാഷകര്‍ മീന ഹാരിസിനോട് വൈസ് പ്രസിഡന്റിന്റെ പേരോ പേരിനോട് സാദൃശ്യമുള്ളതോ ആയ ഉല്‍പ്പന്നങ്ങള്‍ പുറത്തിറക്കരുതെന്ന് വ്യക്തമാക്കിയിരുന്നതായി മാധ്യമങ്ങള്‍ റിപ്പോര്‍ട്ട് ചെയ്തിരുന്നു. മുമ്ബ് കമല ഹാരിസിന്റെ പേര് അടങ്ങിയ പുസ്തകവും വൈസ് പ്രസിഡന്റ് ആന്റി എന്ന് അച്ചടിച്ച സ്വെറ്റ് ഷര്‍ട്ടുകളും ഇവര് പുറത്തിറക്കിയിരുന്നു. എന്നാല്‍ നിലവിലെ നിയമം അനുസരിച്ച്‌ ഇത് അനുവദനീയമല്ലെന്ന് അധികൃതര്‍ വ്യക്തമാക്കി.
താന്‍ പാലിക്കേണ്ട പുതിയ നിയമങ്ങളെക്കുറിച്ച്‌ ഫെഡറല്‍ അഭിഭാഷകര്‍ മീനയെ അറിയിച്ചതിനു ശേഷവവും, ഒരു സ്വകാര്യ വിമാനത്തില്‍ ഉദ്ഘാടനത്തിനായി ബൈഡന്‍ അനുയായിയോടൊപ്പം പറന്നത് ഇവര് ഇന്‍സ്റ്റാഗ്രാമില്‍ ഷെയര്‍ ചെയ്തിരുന്നതായും ദി എല്‍എ ടൈംസ് റിപ്പോര്‍ട്ട് ചെയ്തു.
BREAKING – ഗ്രെറ്റ ‘ടൂൾകിറ്റ്’ കേസിൽ മലയാളി അഭിഭാഷക നികിത ജേക്കബിനെതിരെ ജാമ്യമില്ലാ വാറണ്ട്
വൈറ്റ് ഹൌസിലെ ആദ്യത്തെ വനിതാ വൈസ് പ്രസിഡന്റായി കമല ഹാരിസ് സത്യപ്രതിജ്ഞ ചെയ്തതിന്റെ തലേദിവസം രാത്രി മീന ഹാരിസ് തന്റെ പുതിയ പുസ്തകമായ ആംബിഷ്യസ് ഗേള്‍ പുറത്തിറക്കി. കൂടാതെ മീന ഹാരിസ് ദി വ്യൂ, ടുഡേ ഷോ തുടങ്ങിയ ടിവി പരിപാടികളിലും പ്രത്യക്ഷപ്പെട്ടിരുന്നു. വാനിറ്റി ഫെയറിലും ന്യൂയോര്‍ക്ക് ടൈംസിലും മീന ഹാരിസിനെക്കുറിച്ച്‌ വാര്‍ത്തകള്‍ പ്രസിദ്ധീകരിക്കുകയും ചെയ്തിരുന്നു.
Discussion about this post