അഹമ്മദാബാദ്: ഇന്ത്യൻ സ്വാതന്ത്ര്യത്തിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായ അമൃത മഹോത്സവത്തിന് തുടക്കമായി. ഇതിന്റെ ഭാഗമായി സബർമതി ആശ്രമത്തിലെത്തിയ പ്രധാനമന്ത്രി നരേന്ദ്ര മോദി ഗാന്ധി പ്രതിമയിൽ പുഷ്പാർച്ചന നടത്തുകയും ആശ്രമത്തിലെ മഹാത്മാ ഗാന്ധിയുടെ ചിത്രത്തിൽ പുഷ്പഹാരം സമർപ്പിക്കുകയും ചെയ്തു.
തുടർന്ന് സബർമതി ആശ്രമത്തിൽ നിന്നും ആരംഭിക്കുന്ന ദണ്ഡി മാർച്ച് പ്രധാനമന്ത്രി ഉദ്ഘാടനം ചെയ്യും. നമ്മുടെ രാജ്യത്തിലെ ജനങ്ങൾക്കിടയിൽ അഭിമാന ബോധവും സ്വയം പര്യാപ്തതയും ഉണ്ടാകാൻ കാരണമായ നിർണ്ണായക സംഭവങ്ങളിൽ ഒന്നായിരുന്നു ദണ്ഡി യാത്രയെന്ന് പ്രധാനമന്ത്രി പറഞ്ഞു. ഈ സാഹചര്യത്തിൽ ‘വോക്കൽ ഫോർ ലോക്കൽ‘ എന്ന ആശയം ബാപ്പുജിക്കും നമ്മുടെ മഹാന്മാരായ സ്വാതന്ത്ര്യ സമര സേനാനികൾക്കും ഉചിതമായ സ്മരണാഞ്ജലി ആയിരിക്കുമെന്നും പ്രധാനമന്ത്രി വ്യക്തമാക്കി. ഏതെങ്കിലും ഒരു സ്വദേശി ഉത്പന്നം വാങ്ങി ‘വോക്കൽ ഫോർ ലോക്കൽ‘ എന്ന ഹാഷ്ടാഗിൽ സാമൂഹിക മാദ്ധ്യമങ്ങളിൽ പങ്കു വെക്കാൻ പ്രധാനമന്ത്രി ആഹ്വാനം ചെയ്തു.
സബർമതി ആശ്രമത്തിൽ സ്വയം പര്യാപ്തതയുടെ പര്യായമായ ചർക്ക സ്ഥാപിക്കുമെന്നും പ്രധാനമന്ത്രി നരേന്ദ്ര മോദി പറഞ്ഞു.
Discussion about this post