മാഹി: ലോക്ഡൗണ്‍ കാലത്ത് മദ്യത്തിന് ഏര്‍പ്പെടുത്തിയിരുന്ന അധിക നികുതി സര്‍ക്കാര്‍ പിന്‍വലിച്ചു. പുതുച്ചേരി സര്‍ക്കാരിന്റേതാണ് തീരുമാനം. ഇതോടെ മാഹിയിൽ മദ്യത്തിന് ഇനി വൻ വിലക്കുറവുണ്ടാകും.
കോവിഡ് കാലത്ത് കേരളത്തില്‍ നിന്ന് കൂട്ടമായി മദ്യപരെത്തുന്നത് തടയാന്‍ കഴിഞ്ഞ വര്‍ഷം മെയ് മാസം ഏര്‍പ്പെടുത്തിയ കൊവിഡ് നികുതിയാണ് പുതുച്ചേരി സർക്കാർ പിന്‍വലിച്ചത്. ലോക്ഡൗണ്‍ തുടങ്ങിയത് മുതല്‍ കേരളത്തിലേതിന് സമാനമായ നികുതിയാണ് മാഹിയിലും ഏർപ്പെടുത്തിയിരുന്നത്.
154 ഇനം ബ്രാന്‍ഡുകള്‍ക്ക് നൂറ് ശതമാനം നികുതിയാണ് കേരളത്തിന് സമാനമായി ഏർപ്പെടുത്തിയിരുന്നത്. കേരളത്തില്‍ ലഭ്യമാകാത്ത മാഹി നിർമ്മിത മദ്യത്തിന് മുപ്പത് ശതമാനം കൊവിഡ് നികുതിയും ഏർപ്പെടുത്തിയിരുന്നു. ഇവ രണ്ടും പിൻവലിക്കാനാണ് തീരുമാനം.
Discussion about this post