ഡൽഹി: ഭീകരാക്രമണങ്ങളെ ചെറുക്കാൻ വിപുലമായ സംവിധാനങ്ങളോട് കൂടിയ ബുള്ളറ്റ് പ്രൂഫ് വാഹനങ്ങൾ ഇന്ത്യൻ വ്യോമസേനയുടെ ഭാഗമായി. ചെറിയ ട്രക്ക് പോലെയുള്ള വാഹനങ്ങൾക്ക് ആറ് ടൺ ഭാരമുണ്ട്. ഇവ ബുള്ളറ്റ്, ഗ്രനേഡ് ആക്രമണങ്ങളെ ചെറുക്കാൻ ശേഷിയുള്ള ലൈറ്റ് ബുള്ളറ്റ് പ്രൂഫ് വാഹനങ്ങളാണ്.
ഏത് തരത്തിലുള്ള ഭീകരാക്രമണങ്ങളെയും ചെറുക്കാൻ വാഹനങ്ങൾ സൈനികർക്ക് മുതൽക്കൂട്ടാകും. ആറ് സുരക്ഷാ സൈനികരെ ഉള്ക്കൊള്ളാനുള്ള ശേഷി വാഹനത്തിനുണ്ട്. വ്യോമസേനയുടെ മുതിര്ന്ന കമാന്ഡോമാരുടെ സുരക്ഷാ അവലോകന യോഗത്തിന് മുന്നോടിയായാണ് ഇവ സേനയുടെ ഭാഗമായത്.
ഈ വാഹനങ്ങൾ ചൊവ്വാഴ്ച പ്രദർശിപ്പിച്ചിരുന്നു.
