ആരാധകർക്ക് വിഷു സമ്മാനവുമായി സൂപ്പർ താരം മോഹൻലാൽ. പുതിയ ചിത്രമായ ആറാട്ടിന്റെ ടീസർ താരം ഫേസ്ബുക്ക് പേജിലൂടെ പുറത്ത് വിട്ടു. ആക്ഷനും മാസും പാട്ടും ആവേശകരമായ ഡയലോഗുകളുമായി എല്ലാ തരത്തിലുള്ള പ്രേക്ഷകരെയും ലക്ഷ്യം വെച്ചുള്ളതാണ് ചിത്രമെന്ന് ടീസർ വ്യക്തമാക്കുന്നു.
https://www.facebook.com/ActorMohanlal/posts/308234730669799
പുലിമുരുകന്റെ തിരക്കഥാകൃത്ത് ഉദയകൃഷ്ണയാണ് ആറാട്ടിന്റെയും തിരക്കഥ രചിച്ചിരിക്കുന്നത് ഷമീർ മുഹമ്മദ് എഡിറ്റിംഗ് കൈകാര്യം ചെയ്യുന്ന ചിത്രത്തിന്റെ സംഗീത സംവിധാനം നിർവ്വഹിച്ചിരിക്കുന്നത് രാഹുൽ രാജാണ്. വിജയ് ഉലകനാഥനാണ് ഛായാഗ്രഹണം. ആർ ഡി ഇല്ലുമിനേഷൻസും സജീഷ് മഞ്ചേരിയും ചേർന്നാണ് ചിത്രം നിർമ്മിക്കുന്നത്. ബി ഉണ്ണികൃഷ്ണനാണ് ചിത്രം സംവിധാനം ചെയ്യുന്നത്.
മോഹൻലാലിന് പുറമെ സിദ്ദിഖ്, നെടുമുടി വേണു, സായ് കുമാർ, ഇന്ദ്രൻസ്, ജോണി ആന്റണി, വിജയരാഘവൻ, നന്ദു, രാഘവൻ, ബിജു പപ്പൻ, രാമചന്ദ്ര രാജു, നേഹ സക്സേന, സ്വാസിക, മാളവിക മേനോൻ, ഷീല, രചന നാരായണൻകുട്ടി, ശ്രദ്ധ ശ്രീനാഥ് തുടങ്ങി വൻ താരനിര അണിനിരക്കുന്ന ചിത്രം 2021 ഓഗസ്റ്റ് 12നാണ് പ്രദർശനത്തിനെത്തുക.
