ഡൽഹി: രാജ്യത്ത് കൊവിഡ് വ്യാപനം അതിരൂക്ഷമായിരിക്കുന്ന സാഹചര്യത്തിൽ ലോക്ക്ഡൗൺ നിർദ്ദേശവുമായി കേന്ദ്ര ആരോഗ്യ മന്ത്രാലയം. ടെസ്റ്റ് പോസിറ്റിവിറ്റി നിരക്ക് 15 ശതമാനത്തിന് മുകളിലുള്ള 150 ജില്ലകളിൽ ലോക്ക്ഡൗൻ ഏർപ്പെടുത്തണമെന്നാണ് കേന്ദ്ര നിർദ്ദേശം.
കൊവിഡ് പ്രതിസന്ധി വിലയിരുത്താൻ ചൊവ്വാഴ്ച ചേർന്ന ഉന്നതതല യോഗത്തിലാണ് ആരോഗ്യമന്ത്രാലയം നടപടികള്ക്ക് ശുപാര്ശ ചെയ്തത്. ഉയര്ന്ന പോസിറ്റിവിറ്റി നിരക്കുള്ള ജില്ലകളില് രോഗവ്യാപനം തടയുന്നതിന് അടിയന്തര നടപടികളിലേക്ക് കടക്കേണ്ടതുണ്ടെന്ന് ആരോഗ്യ മന്ത്രാലയം വ്യക്തമാക്കുന്നു.
കേന്ദ്ര നിർദ്ദേശം നടപ്പിലാക്കിയാൽ കേരളത്തിലെ പല ജില്ലകളും അടച്ചിടേണ്ടി വരും. സംസ്ഥാനത്തെ ആകെ പോസിറ്റിവിറ്റി നിരക്ക് 23.24 ശതമാനമാണ് എന്നതാണ് സ്ഥിതി ആശങ്കാജനകമാക്കുന്നത്.
എന്നാൽ സംസ്ഥാനങ്ങളുമായി ആലോചിച്ച ശേഷമായിരക്കും ഇതുസംബന്ധിച്ചുള്ള അന്തിമ തീരുമാനം കേന്ദ്ര സര്ക്കാര് എടുക്കുക. ലോക്ക്ഡൗൺ ഏർപ്പെടുത്തിയാലും അവശ്യ സര്വീസുകള്ക്കടക്കം ഇളവ് നല്കിയേക്കും.
Discussion about this post