തിരുവനന്തപുരം: സ്ഥാനാര്ത്ഥികള്ക്ക് വോട്ടെണ്ണല് കേന്ദ്രത്തില് പ്രവേശിക്കണമെങ്കില് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി ഉത്തരവ് പുറപ്പെടുവിച്ച് തെരഞ്ഞെടുപ്പ് കമ്മീഷൻ. വോട്ടെണ്ണല് കേന്ദ്രത്തിലോ, സമീപത്തോ ആള്ക്കൂട്ടം പാടില്ലെന്നും കമ്മീഷന് നിര്ദ്ദേശിച്ചു.
വോട്ടെണ്ണല് കേന്ദ്രങ്ങള് അണുവിമുക്തമാക്കണം. മൂന്ന് ദിവസം മുന്പ് വോട്ടെണ്ണുന്ന ഏജന്റുമാരുടെ പട്ടിക രാഷ്ട്രീയ പാര്ട്ടികളും സ്ഥാനാര്ത്ഥികളും നല്കണം. കൗണ്ടിങ് ഏജന്റുമാരും ആര്ടിപിസിആര് പരിശോധന നടത്തി കോവിഡില്ലെന്ന് ഉറപ്പാക്കണമെന്നും തെരഞ്ഞെടുപ്പ് കമ്മീഷന് നിര്ദ്ദേശം നല്കിയിട്ടുണ്ട്.
മെയ് രണ്ടിനാണ് വോട്ടെണ്ണല്. കോവിഡ് വൈറസ് വ്യാപനം വര്ധിക്കുന്ന സാഹചര്യത്തിലാണ് വോട്ടെണ്ണല് ദിവസം കര്ശന നിയന്ത്രണങ്ങള് നടപ്പിലാക്കാന് തെരഞ്ഞെടുപ്പ് കമ്മീഷന് തീരുമാനിച്ചത്
Discussion about this post