സിബിഎസ്‌ഇ പന്ത്രണ്ടാം ക്ലാസ് ബോർഡ് പരീക്ഷകൾ, പ്രൊഫഷണൽ കോഴ്‌സുകളിലേക്കുള്ള പ്രവേശന പരീക്ഷകൾ എന്നിവ ചർച്ച ചെയ്യുന്നതിനായി ഉന്നതതല യോഗം വിളിച്ച് വിദ്യാഭ്യാസ മന്ത്രി

ഡൽഹി : സിബിഎസ്‌ഇ പന്ത്രണ്ടാം ക്ലാസ് ബോർഡ് പരീക്ഷകൾ, പ്രൊഫഷണൽ കോഴ്‌സുകളിലേക്കുള്ള പ്രവേശന പരീക്ഷകൾ എന്നിവ ചർച്ച ചെയ്യുന്നതിനായി വിദ്യാഭ്യാസ മന്ത്രി രമേശ് പൊഖ്രിയാൽ ഇന്ന് എല്ലാ സംസ്ഥാന / യുടി വിദ്യാഭ്യാസ മന്ത്രിമാർ, സെക്രട്ടറിമാർ, സംസ്ഥാന പരീക്ഷാ ബോർഡ് ചെയർപേഴ്‌സൺമാർ എന്നിവരുമായി ഉന്നതതല യോഗം ചേരും. സി.ബി.എസ്.ഇ, സി.ഐ.എസ്.സി.ഇ എന്നിവ കൂടാതെ, മിക്ക സംസ്ഥാന ബോർഡുകളും 12-ാം ക്ലാസ് പരീക്ഷ മാറ്റിവച്ചിട്ടുണ്ട്

പന്ത്രണ്ടാം ക്ലാസ് ബോർഡ് പരീക്ഷ നടത്താൻ ഡൽഹി സർക്കാർ അനുകൂലമല്ലെന്ന് ഡൽഹി ഉപമുഖ്യമന്ത്രി മനീഷ് സിസോഡിയ പറഞ്ഞു. “പരീക്ഷ നടത്താൻ ഇത് ശരിയായ സമയമല്ല. പരമ്പരാഗത രീതിയിൽ മാത്രമേ പരീക്ഷകൾ നടത്തൂ എന്ന  രീതികളും മാറ്റം വരുത്തേണ്ടതാണ്. ഇന്റെർണൽ അസ്സെസ്സ്മെന്റിന്റെ പ്രകടനത്തെ അടിസ്ഥാനമാക്കി പന്ത്രണ്ടാം ക്ലാസ് വിദ്യാർത്ഥികളെ വിലയിരുത്തണമെന്ന് ഞങ്ങൾ നിർദ്ദേശിക്കുന്നു. ലഭിച്ച മാർക്കിൽ ഒരു വിദ്യാർത്ഥിക്ക് തൃപ്തിയില്ലെങ്കിൽ, പിന്നീടുള്ള ഘട്ടത്തിൽ അവരെ പരീക്ഷയ്ക്ക് ഹാജരാക്കാൻ അനുവദിക്കണം, ”സിസോഡിയ പറഞ്ഞു.

യോഗത്തിൽ പ്രതിരോധമന്ത്രി രാജ്‌നാഥ് സിംഗ് അധ്യക്ഷത വഹിക്കും. കേന്ദ്ര വനിതാ ശിശു വികസന മന്ത്രി സ്മൃതി ഇറാനി, വാർത്താവിതരണ പ്രക്ഷേപണ മന്ത്രി പ്രകാശ് ജാവദേക്കർ എന്നിവർ പങ്കെടുക്കും.