തിരുവനന്തപുരം: സംസ്ഥാനത്ത് ലോക്ക്ഡൗണിൽ ഇന്ന് ഇളവുകൾ. രാവിലെ ഏഴ് മുതല് വൈകിട്ട് ഏഴുവരെ അവശ്യസേവനങ്ങള് നല്കുന്ന കടകള്ക്കൊപ്പം വസ്ത്രങ്ങള്, സ്റ്റേഷനറി, ആഭരണം, കണ്ണടകള്, ശ്രവണ സഹായികള്, പാദരക്ഷകള്, പുസ്തകങ്ങൾ, എന്നിവ വിപണനം ചെയ്യുന്ന കടകള്ക്ക് വളരെ കുറച്ച് ജീവനക്കാരെ ഉപയോഗിച്ച് തുറന്ന് പ്രവര്ത്തിക്കാൻ അനുമതി നൽകി.
വാഹന ഷോറൂമുകളില് സൂക്ഷിച്ചിട്ടുള്ള വാഹനങ്ങളുടെ അത്യാവശ്യ പരിപാലനത്തിനായി രാവിലെ 7 മുതല് ഉച്ചയ്ക്ക് 2 വരെ പ്രവര്ത്തിക്കാനും അനുമതിയുണ്ട്. ഇന്ന് അറ്റക്കുറ്റ പണികള് നടത്തുന്ന കടകള്ക്കും മൊബൈല് ഫോണ് റിപ്പയര് കടകള്ക്കും പ്രവര്ത്തിക്കാവുന്നതാണ്.
എന്നാൽ ശനിയും ഞായറും സംസ്ഥാനത്ത് നിയന്ത്രണങ്ങൾ കൂടുതൽ കർശനമാക്കാനും തീരുമാനിച്ചു. ഈ ദിവസങ്ങളിൽ ഹോട്ടലുകളില് നിന്ന് ഹോം ഡെലിവറി മാത്രമേ അനുവദിക്കൂ. ടേക്ക് എവേ, പാഴ്സല് സൗകര്യങ്ങള് അനുവദിക്കില്ല.
സാമൂഹിക അകലം കർശനമായി പാലിച്ച് ഈ ദിവസങ്ങളില് നിര്മാണ പ്രവര്ത്തനങ്ങള് നടത്താം. എന്നാല്, ഇത്തരം പ്രവര്ത്തനങ്ങള് മുന്കൂട്ടി അടുത്ത പോലീസ് സ്റ്റേഷനില് അറിയിക്കണമെന്നും സർക്കാർ വ്യക്തമാക്കി.
Discussion about this post