തിരുവനന്തപുരം: സംസ്ഥാനത്ത് ശനി, ഞായർ ദിവസങ്ങളിൽ സമ്പൂർണ്ണ ലോക്ക്ഡൗൺ. ഈ ദിവസങ്ങളിൽ ഹോട്ടലുകളിൽ നിന്ന് നേരിട്ട് പാഴ്സൽ വാങ്ങാൻ അനുവാദമില്ല, പകരം ഹോം ഡെലിവറി മാത്രമായിരിക്കും. കെ.എസ്.ആർ.ടി.സി. ദീർഘദൂര സർവീസുകളും ഉണ്ടായിരിക്കില്ല. അവശ്യ സർവീസുകൾ മാത്രമാകും ഉണ്ടായിരിക്കുക.
നിർമാണമേഖലയിൽ മാനദണ്ഡങ്ങൾ പാലിച്ച് പോലീസിനെ അറിയിച്ചശേഷം മാത്രം പണികൾ നടത്താം. ഭക്ഷ്യോത്പന്നങ്ങൾ, പഴം, പച്ചക്കറി, പാൽ, മത്സ്യവും മാംസവും വിൽക്കുന്ന കടകൾ പലവ്യഞ്ജനക്കടകൾ, ബേക്കറി തുടങ്ങിയവ രാവിലെ ഏഴുമുതൽ വൈകീട്ട് ഏഴുവരെ തുറക്കാം.
അതേസമയം സംസ്ഥാനത്ത് കൊവിഡ് വ്യാപനം ശമനമില്ലാതെ തുടരുകയാണ്. ഇന്നലെ 14,233 പേര്ക്ക് രോഗബാധ സ്ഥിരീകരിച്ചു. 173 മരണങ്ങളും സ്ഥിരീകരിച്ചു. ആകെ മരണസംഖ്യ 10,804 ആണ്.
Discussion about this post