ഡൽഹി: രാജ്യത്ത് കൊവിഡ് വാക്സിൻ വിതരണം 25 കോടി കടന്നതായി കേന്ദ്ര ആരോഗ്യ മന്ത്രാലയം. അടുത്ത 3 ദിവസങ്ങൾക്കുള്ളിൽ 10 ലക്ഷം വാക്സിനുകൾ കൂടി വിതരണം ചെയ്യുമെന്നും കേന്ദ്ര സർക്കാർ അറിയിച്ചു.
ഇത് വരെ നേരിട്ടുള്ള വിതരണത്തിലൂടെ 25,87,41,810 കോടി വാക്സിനുകൾ സംസ്ഥാനങ്ങൾക്ക് നൽകി. നിലവിൽ സംസ്ഥാനങ്ങളുടെ പക്കൽ 1,12,41,187 വാക്സിൻ ഡോസുകൾ സ്റ്റോക്കുണ്ടെന്നും കേന്ദ്ര സർക്കാർ വ്യക്തമാക്കി.
സംസ്ഥാനങ്ങൾക്ക് കൊവിഡ് വാക്സിൻ വിതരണം സൗജന്യമായിരിക്കുമെന്ന് കേന്ദ്ര സർക്കാർ ആവർത്തിച്ചു. രാജ്യം കൊവിഡ് രണ്ടാം തരംഗ വ്യാപനത്തിൽ നിന്നും അതിവേഗം മുക്തി നേടുകയാണെന്നും ചില സംസ്ഥാനങ്ങളിലെ കണക്കുകൾ മാത്രമാണ് നിലവിൽ ആശങ്കയുളവാക്കുന്നതെന്നും കേന്ദ്ര ആരോഗ്യ മന്ത്രാലയം വ്യക്തമാക്കി.
