തിരുവനന്തപുരം: പ്രശസ്ത ഛായാഗ്രാഹകൻ ശിവൻ അന്തരിച്ചു. 89 വയസ്സായിരുന്നു. പോങ്ങുംമൂട്ടിലെ വീട്ടിൽ ഹൃദയാഘാതം മൂലമായിരുന്നു അന്ത്യം.
ചെമ്മീൻ സിനിമയുടെ സ്റ്റിൽ ഫോട്ടാഗ്രാഫറായിരുന്നു. നിശ്ചല ഛായാഗ്രഹണ രംഗത്ത് ഏറെ പരീക്ഷണങ്ങൾ നടത്തിയ ആദ്യകാല ഛായാഗ്രാഹകനാണ്. കേരളത്തിലെ സുപ്രധാന സാമൂഹിക രാഷ്ട്രീയ സംഭവങ്ങളെല്ലാം ഒരു കാലഘട്ടത്തിൽ നിശ്ചലചിത്രങ്ങളാക്കിയ വ്യക്തി എന്ന നിലയിൽ ഏറെ പ്രശസ്തി നേടിയിരുന്നു.
60 വർഷത്തോളം ഛായാഗ്രഹണ രംഗത്ത് സജീവമായിരുന്നു.മൂന്ന് തവണ ദേശീയ അംഗീകാരം നേടിയിരുന്നു. 1959ൽ തിരുവനന്തപുരത്ത് സ്ഥാപിച്ച ശിവൻസ് സ്റ്റുഡിയോ ദേശീയ തലത്തിൽ പ്രസിദ്ധി നേടിയിരുന്നു.
ചലച്ചിത്ര ഛായാഗ്രഹണ- സംവിധാന പ്രതിഭകളായ സന്തോഷ് ശിവൻ, സംഗീത് ശിവൻ,സഞ്ജീവ് ശിവൻ എന്നിവർ മക്കളാണ്.
Discussion about this post