തിരുവനന്തപുരം: തുടർഭരണം വ്യക്തിയുടെ മേന്മയല്ലെന്ന് സിപിഐ നേതാവ് വിപി ഉണ്ണികൃഷ്ണന്‍. സിപിഐ ആണ് കേരളത്തില്‍ ആദ്യമായി തുടര്‍ഭരണം കാഴ്ചവെച്ച പാര്‍ട്ടി. കേരളത്തില്‍ ആദ്യം തുടര്‍ഭരണം സാധ്യമാക്കിയത് സി അച്യുതമേനോന്റെ കാലത്താണെന്നും അദ്ദേഹം പറഞ്ഞു.
1967ല്‍ രൂപപ്പെട്ട സപ്തകക്ഷി മന്ത്രിസഭ 69ല്‍ നിലം പതിച്ചപ്പോള്‍ അച്യുതമേനോന്‍ കേരളത്തിന്റെ മുഖ്യമന്ത്രിയായി. 1970ല്‍ നിയമസഭ പിരിച്ചുവിട്ടു തെരഞ്ഞെടുപ്പ് നടത്തിയപ്പോള്‍ അച്യുതമേനോന്റെ നേതൃത്വത്തില്‍ വീണ്ടും മന്ത്രിസഭ അധികാരത്തില്‍ വന്നു. ഐക്യ കേരളത്തിന്റെ പിറവിക്ക് ശേഷമുള്ള ആദ്യത്തെ തുടര്‍ഭരണം അതാണെന്ന് വി പി ഉണ്ണികൃഷ്ണൻ പറഞ്ഞു.
ചരിത്ര യാഥാർത്ഥ്യങ്ങൾ വിസ്മരിക്കരുത്. 1969 മുതൽ 1980 വരെ കേരളത്തിൽ തുടർ ഭരണമുണ്ടായിരുന്നു. സിപിഎമ്മില്‍ നിന്ന് സിപിഐയിലെത്തിയ ആളുകള്‍ക്ക് വെഞ്ഞാറമൂട്ടില്‍ നല്‍കിയ സ്വീകരണത്തിൽ വി പി ഉണ്ണികൃഷ്ണൻ പറഞ്ഞു.
Discussion about this post