ബീജിങ്: വെള്ളപ്പൊക്ക കെടുതിയില് നിന്ന് കരകയറുന്ന ചൈനയിലെ ഡുന്ഹുവാങ് നഗത്തില് 300 അടിയോളം ഉയരത്തില് മണല്ക്കാറ്റ് വീശിയതിനെ തുടര്ന്ന് റോഡുകള് അടച്ചു. 300 അടി വീതിയില് വന്മതില് പോലെയാണ് മണല്ക്കാറ്റ് ദൃശ്യമായത്.
മണല്ക്കാറ്റ് വീശിയത് നഗരത്തില് ഗുരുതരമായ പ്രശ്നം സൃഷ്ടിച്ചെന്നാണ് റിപ്പോർട്ടുകൾ . മണല്കൊടുങ്കാറ്റില് ജനജീവിതം തടസപ്പെട്ടു. മണല്ക്കാറ്റ് വീശിയതിനെ തുടര്ന്ന് അപകടസാധ്യത വര്ധിപ്പിച്ചതിനാല് പ്രമുഖ റോഡുകള് അടച്ചു. കാഴ്ച മറഞ്ഞതിനെ തുടര്ന്നാണ് ഗതാഗതം നിര്ത്തിവെച്ചത്. 20 അടി അപ്പുറത്തുള്ള കാഴ്ച പോലും മറച്ചുകൊണ്ടായിരുന്നു മണല്ക്കാറ്റ് വീശിയത്.
തൊട്ടടുത്തുള്ള ഗോബി മരുഭൂമിയില് നിന്നാണ് മണല്ക്കാറ്റ് ഉത്ഭവിച്ച് നഗരത്തിലേക്ക് വീശിയടിച്ചത്. ഡ്രൈവിങ് ദുഷ്കരമായതോടെ ഗതാഗതം നിര്ത്തിവെച്ചെന്ന് പൊലീസും അറിയിച്ചു. മണല്ക്കാറ്റ് അടിക്കുന്ന ദൃശ്യങ്ങള് ട്വിറ്ററില് പ്രചരിച്ചു.
Sandstorm today, #Dunhuang #沙尘暴 #敦煌 pic.twitter.com/XDpyhlW0PV
— Neil Schmid 史瀚文 (@DNeilSchmid) July 25, 2021
