കബൂൾ: അഫ്ഗാനിസ്ഥാനിൽ അമേരിക്കൻ സേനയുടെ അപ്രതീക്ഷിത വ്യോമാക്രമണം. ഹെൽമണ്ടിലെ ലഷ്കർഗഢ് നഗരത്തിൽ നടന്ന ആക്രമണത്തിൽ നാൽപ്പത് താലിബാൻ ഭീകരർ കൊല്ലപ്പെട്ടതായി അഫ്ഗാൻ പ്രതിരോധ മന്ത്രാലയം സ്ഥിരീകരിച്ചു.
വൈകുന്നേരം 06.10നും 07.05നുമായിരുന്നു ആക്രമണങ്ങൾ. താലിബാൻ ഭീകരർ കൂട്ടമായി യോഗത്തിനെത്തുന്ന കേന്ദ്രത്തിൽ നടത്തിയ ആക്രമണം ആസൂത്രിതമായിരുന്നു എന്നാണ് റിപ്പോർട്ട്.
കഴിഞ്ഞയാഴ്ച അമേരിക്കൻ സേന നടത്തിയ വ്യോമാക്രമണത്തിൽ അഞ്ച് താലിബാൻ ഭീകരർ കൊല്ലപ്പെട്ടിരുന്നു. അഫ്ഗാനിസ്ഥാനിൽ നിന്നും അമേരിക്കൻ സേന പിന്മാറുന്നുവെന്ന റിപ്പോർട്ടിന്റെ പശ്ചാത്തലത്തിൽ താലിബാൻ വീണ്ടും തല പൊക്കിയിരുന്നു. ടാഖർ ഉൾപ്പെടെ നിരവധി ജില്ലകൾ തങ്ങൾ പിടിച്ചെടുത്തതായി താലിബാൻ അവകാശപ്പെട്ടിരുന്നു.
Discussion about this post