പുനലൂര്: ബിരുദാനന്തര ബിരുദ വിദ്യാര്ഥിനിയായ ഇരുപത്തിരണ്ടുകാരിയെ വീട്ടിനുള്ളില് തൂങ്ങിമരിച്ച നിലയില് കണ്ടെത്തി. കരവാളൂര് വെഞ്ചേമ്പ് വേലംകോണം സരസ്വതി വിലാസത്തില് ഉത്തമന്റെയും സരസ്വതിയുടെയും മകള് ആതിരയെയാണ് മരിച്ചനിലയിൽ കണ്ടെത്തിയത്.
തൊഴിലുറപ്പ് ജോലിക്കായി പോയ അമ്മ തിരികെ വന്നു വാതിലിൽ മുട്ടിയപ്പോൾ അടഞ്ഞുകിടക്കുന്ന നിലയിലാണ് കണ്ടത്. തുടർന്ന് കതക് തള്ളിത്തുറന്ന് അകത്തു കയറിയപ്പോഴാണ് മകൾ ഫാനിൽ കെട്ടിത്തൂങ്ങിയ നിലയിൽ കണ്ടത്. വീട്ടുകാരുടെ നിലവിളി കേട്ട് ഓടിക്കൂടിയ നാട്ടുകാർ ആതിരയെ പുനലൂർ താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
