തെക്കുപടിഞ്ഞാറൻ സൗദി അറേബ്യയിലെ വിമാനത്താവളത്തിന് നേരെ ഡ്രോൺ ആക്രമണം. ആക്രമണത്തിൽ എട്ടുപേർക്ക് പരിക്കേറ്റു. ഒരു വിമാനത്തിന് കേടുപാടുകൾ സംഭവിച്ചിട്ടുണ്ടെന്നും സ്റ്റേറ്റ് ടെലിവിഷൻ റിപ്പോർട്ട് ചെയ്തു.
യമനിൽ യുദ്ധം നടക്കുന്നതിനിടെയാണ് രാജ്യത്തിന് നേരെയുള്ള ഏറ്റവും പുതിയ ആക്രമണം.
ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല, കഴിഞ്ഞ 24 മണിക്കൂറിനുള്ളിൽ അബ വിമാനത്താവളത്തിൽ നടക്കുന്ന രണ്ടാമത്തെ ആക്രമണമാണിത്. നേരത്തെയുള്ള ആക്രമണത്തിൽ ആളപായമില്ല.
യെമനിൽ ഇറാൻ പിന്തുണയുള്ള ഷിയാ വിമതർക്കെതിരെ പോരാടുന്ന സൗദി നേതൃത്വത്തിലുള്ള സൈനിക സഖ്യം ആക്രമണത്തെക്കുറിച്ച് വിശദീകരിക്കുകയോ തങ്ങളുടെ സൈന്യം സ്ഫോടനാത്മക ഡ്രോണിനെ “തടഞ്ഞു” എന്ന് പറയുന്നതിനപ്പുറം നാശനഷ്ടങ്ങളുടെ വിശദാംശങ്ങൾ നൽകുകയോ ചെയ്തിട്ടില്ല.
Discussion about this post