ലണ്ടന്‍: ബ്രിട്ടീഷ് എം.പിയും കണ്‍സര്‍വേറ്റീവ് പാര്‍ട്ടി നേതാവുമായ ഡേവിഡ് അമെസ്സിന് (69) ലേ അജ്ഞാതന്റെ കുത്തേറ്റ് മരിച്ചു. ബെല്‍ഫെയേഴ്സ് മെത്തോ‌ഡിസ്റ്റ് പള്ളിയില്‍ നടന്ന യോഗത്തിനിടെയാണ് സംഭവം. പള്ളിയില്‍ യോഗത്തിനെത്തിയ എം.പിയെ അജ്ഞാതന്‍ ആക്രമിക്കുകയായിരുന്നു. പ്രകോപനത്തിന്റെ കാരണം വ്യക്തമല്ല.
കൊലപാതകത്തിന് പിന്നില്‍ ഇസ്ലാമിക തീവ്രവാദ നിലപാടുള്ളയാളാണെന്നാണ് പൊലീസിന്റെ പ്രാഥമിക നിഗമനം. ഓണ്‍ സീയിലെ ബെല്‍ഫെയേഴ്സ് മെത്തോ‌ഡിസ്റ്റ് പള്ളിയില്‍ നടന്ന യോഗത്തിനിടെയായിരുന്നു സംഭവം. ഡേവിഡിന്റെ മണ്ഡലമാണ് ലേ ഓണ്‍ സീ. അക്രമി വേദിയിലേക്ക് അതിക്രമിച്ച്‌ കയറുകയും ഡേവിഡിനെ തുടരെ തുടരെ കഠാര കൊണ്ട് കുത്തുകയുമായിരുന്നെന്നാണ് റിപ്പോര്‍ട്ടുകള്‍.
എംപി സംഭവസ്ഥലത്തുവച്ച്‌ തന്നെ മരിച്ചു. പ്രകോപനത്തിന്റെ കാരണം വ്യക്തമല്ല. അക്രമിയെ പൊലീസ് അറസ്റ്റ് ചെയ്‌തിരുന്നു. ഇയാളുടെ പേരോ മറ്റ് വിവരങ്ങളോ ബ്രിട്ടന്‍ ഇതുവരെ പുറത്തുവിട്ടിട്ടില്ല.എം.പിക്ക് നേരെ ആക്രമണം ഉണ്ടായതായി അദ്ദേഹത്തിന്റെ ഓഫീസും സ്ഥിരീകരിച്ചിട്ടുണ്ട്. എംപിയുടെ കൊലപാതകത്തിന് പിന്നാലെ ബ്രിട്ടനില്‍ ഔദ്യോഗിക പതാക താഴ്ത്തിക്കെട്ടി.
