തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട കനത്ത മഴയ്ക്ക് സാദ്ധ്യത. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, തൃശൂര്, പാലക്കാട്, കോഴിക്കോട്, മലപ്പുറം, വയനാട് തുടങ്ങി പതിനൊന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. ആലപ്പുഴ, കണ്ണൂര്, കാസര്കോട് ജില്ലകളില് മഴ മുന്നറിയിപ്പില്ല.
ബംഗാള് ഉള്ക്കടലില് രൂപം കൊള്ളുന്ന ന്യൂനമര്ദമാണ് മഴയ്ക്ക് കാരണം. നാളെയും മറ്റന്നാളും ശക്തമായ മഴയ്ക്ക സാദ്ധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
അതേസമയം ചെന്നൈയിലും കനത്ത മഴ തുടരുകയാണ്. നാല് പേര് മരിച്ചു. 263 വീടുകള് തകര്ന്നു. നിരവധി കുടുംബങ്ങളെ മാറ്റിപ്പാര്പ്പിച്ചു. താഴ്ന്ന പ്രദേശങ്ങള് വെള്ളത്തിനടിയിലായി.
Discussion about this post