ലിവര്പൂള്: ടാക്സി ഡ്രൈവറുടെ സമയോചിതമായ ഇടപെടല് മൂലം റിമമ്പറൻസ് സര്വീസ് നടക്കുന്ന ലിവര്പൂള് കത്തീഡ്രലിൽ സ്ഫോടനം നടത്താനുള്ള ഭീകരന്റെ ശ്രമം പരാജയപ്പെട്ടു.
സ്ഫോടക വസ്തുക്കളുമായി എത്തിയ യാത്രക്കാരനെക്കുറിച്ച് ടാക്സി ഡ്രൈവര്ക്ക് തോന്നിയ സംശയമാണ് ലിവര്പൂളിനെ വന്ദുരന്തത്തില് നിന്നു രക്ഷിച്ചത്. റിമമ്പറൻസ് സര്വീസ് നടക്കുന്ന കത്തീഡ്രലിലേക്കാണ് യാത്രക്കാരന് ടാക്സി വിളിച്ചത്. എന്നാല് കാര് വലിയ ട്രാഫിക്കില് കുടുങ്ങിയപ്പോള് ലിവര്പൂള് മെറ്റേണിറ്റി ഹോസ്പിറ്റലിലേക്ക് കാര് തിരിക്കാന് പറഞ്ഞു. ഇതോടെ സംശയം തോന്നിയ ഡ്രൈവര് ആശുപത്രിയിലെത്തിയതിന് പിന്നാലെ കാറിന് പുറത്തിറങ്ങി പരിശോധിച്ചപ്പോള് കാറില് സ്ഫോടക വസ്തുക്കള് കണ്ടു. ഇതോടെ ഡ്രൈവർ ഭീകരനെ കാറിലിട്ട് ലോക്ക് ചെയ്തു പുറത്തിറങ്ങുകയായിരുന്നു.
നിമിഷങ്ങള്ക്കകം വലിയ ശബ്ദത്തോടെ കാര് പൊട്ടിത്തെറിച്ചു. കാറില് കുടുങ്ങിയ ഭീകരന് കൊല്ലപ്പെടുകയും ചെയ്തു. നിസ്സാര പരിക്കുകളോടെ രക്ഷപ്പെട്ട ടാക്സി ഡ്രൈവറെ ആശുപത്രിയില് പ്രവേശിപ്പിച്ചു. ഇയാളുടെ ശരീരത്തില് പൊള്ളലേറ്റിട്ടുണ്ട്. എങ്കിലും വന് ദുരന്തത്തില് നിന്നും തലനാരിഴയ്ക്ക് രക്ഷപ്പെടുകയായിരുന്നു.
Discussion about this post