ഡൽഹി: വിവാദമായ കാർഷിക നിയമങ്ങൾ പിൻവലിക്കാൻ കേന്ദ്ര സർക്കാർ തീരുമാനിച്ചിട്ടും ഭീഷണി തുടർന്ന് ബികെയു നേതാവ് രാകേഷ് ടികായത്. കർഷകരുടെ ആവശ്യങ്ങൾ ഇനിയും അംഗീകരിച്ചിട്ടില്ലെന്നും അതിനായി നവംബർ 29ന് ശീതകാല സമ്മേളനം ആരംഭിക്കുന്ന ദിവസം 30 ട്രാക്ടറുകളിൽ പ്രതിഷേധക്കാരുമായി പാർലമെന്റിലേക്ക് മാർച്ച് നടത്തുമെന്നും ടികായത് പറഞ്ഞു.
എന്നാൽ ദേശീയ മാധ്യമത്തിന് നൽകിയ അഭിമുഖത്തിൽ, 1,000 പ്രതിഷേധക്കാരുമായി 60 ട്രാക്ടറുകളിൽ പാർലമെന്റിലേക്ക് മാർച്ച് നടത്തുമെന്നാണ് ടികായത് പറഞ്ഞത്. കാർഷിക നിയമങ്ങൾ പിൻവലിച്ചിട്ടും സമരം തുടരാനുള്ള ടികായതിന്റെ നീക്കത്തിനെതിരെ പ്രതിഷേധം ശക്തമായിരുന്നു. ഇനിയും ഗതാഗത തടസ്സം സൃഷ്ടിക്കാനാണ് നീക്കമെങ്കിൽ നോക്കിയിരിക്കില്ലെന്നും ജനങ്ങൾ പ്രതികരിച്ചിരുന്നു.
Discussion about this post