തിരുവനന്തപുരം: കേരളത്തിൽ ഒമിക്രോൺ കേസുകളിൽ വൻ കുതിപ്പ്. ഇന്ന് 45 പുതിയ കേസുകൾ കൂടി റിപ്പോർട്ട് ചെയ്തു. ഇതോടെ സംസ്ഥാനത്ത് ആകെ ഒമിക്രോൺ ബാധിതരുടെ എണ്ണം 152 ആയി.
സംസ്ഥാനത്ത് ഇന്ന് കൊവിഡ് കേസുകളിലും നേരിയ വർദ്ധനവ് രേഖപ്പെടുത്തി. ഇന്ന് 2802 പേര്ക്കാണ് സംസ്ഥാനത്ത് രോഗബാധ റിപ്പോർട്ട് ചെയ്തത്. കഴിഞ്ഞ ദിവസങ്ങളിലുണ്ടായ 12 മരണങ്ങളാണ് കോവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 66 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 48,113 ആയി.
2595 പേര്ക്കാണ് ഇന്ന് സമ്പർക്കത്തിലൂടെ രോഗം ബാധിച്ചത്. ഇതിൽ 30 പേരുടെ സമ്പര്ക്ക ഉറവിടം വ്യക്തമല്ല. 29 ആരോഗ്യ പ്രവര്ത്തകര്ക്കും ഇന്ന് കൊവിഡ് സ്ഥിരീകരിച്ചു.
Discussion about this post