കോട്ടയം: കോട്ടയത്ത് യുവാവിനെ തല്ലിക്കൊന്ന് പോലീസ് സ്റ്റേഷന് മുന്നിലിട്ടു. കോട്ടയം ഈസ്റ്റ് പോലീസ് സ്റ്റേഷന് മുന്നിലാണ് സംഭവം. വിമലഗിരി സ്വദേശി ഷാന്‍ ബാബുവാണ് കൊല്ലപ്പെട്ടത്.
പുലര്‍ച്ചെ മൂന്ന് മണിയോടെയായായിരുന്നു നാടിനെ നടുക്കിയ സംഭവം. കോട്ടയം സ്വദേശിയായ കെ ടി ജോമോനാണ് കൊല നടത്തിയത്. ഗുണ്ടാ ലിസ്റ്റിലുള്ളയാളാണ് പ്രതിയായ കെ ടി ജോമോന്‍ എന്നാണ് വിവരം.
ജോമോന്‍ ഷാന്‍ ബാബുവിനെ മര്‍ദിച്ച് അവശനാക്കി സ്റ്റേഷന് മുറ്റത്ത് എത്തിക്കുകയും പോലീസുകാരോടെ ഇയാളെ ഞാന്‍ കൊലപ്പെടുത്തി എന്ന് പറഞ്ഞ ശേഷം ഓടി രക്ഷപ്പെടുകയുമായിരുന്നു. ഗുരുതരമായി പരിക്കേറ്റ ഷാന്‍ ബാബുവിനെപോലീസ് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. പിന്നാലെ കെ ടി ജോമോനെ നഗരത്തില്‍ നിന്നും തന്നെ പോലീസ് പിടികൂടുകയായിരുന്നു.
ജോമോനെ ചോദ്യം ചെയ്തു വരികയാണ്. ഗുണ്ടാപ്പകയാണ് കൊലപാതകത്തിലേക്ക് നയിച്ചത് എന്നാണ് പോലീസിന്റെ പ്രാഥമിക വിലയിരുത്തൽ.
Discussion about this post