പാലക്കാട്: ബാബുവിനെ രക്ഷിക്കുന്നതിൽ അമ്പേ പരാജയപ്പെട്ട സംസ്ഥാന സർക്കാരിനെയും ദുരന്ത നിവാരണ സേനയെയും അതിരൂക്ഷമായി വിമർശിച്ച് മേജർ രവി. പിണറായി സർക്കാർ പത്താം ക്ലാസ്സ് തോറ്റ പാർട്ടിക്കാരെ യൂണിവേഴ്സിറ്റികളിൽ നിയമിച്ചോളൂ, പക്ഷേ തലയ്ക്കകത്ത് ബുദ്ധിയും കായിക ശേഷിയുമുള്ളവരെയേ ദുരന്ത നിവാരണ സേനയിൽ നിയമിക്കാവൂ എന്ന് അദ്ദേഹം പറഞ്ഞു. ബാബു അകപ്പെട്ട ഗുഹയിൽ രക്ഷാപ്രവർത്തനം നടത്താൻ കോസ്റ്റ്ഗാർഡിനെ വിളിച്ച ദുരന്ത നിവാരണ സേന ആ സമയത്ത് സൈന്യത്തെ അറിയിച്ചിരുന്നുവെങ്കിൽ ബാബുവിനെ ഇന്നലെ തന്നെ രക്ഷിക്കാമായിരുന്നുവെന്നും അദ്ദേഹം പറഞ്ഞു.
https://www.facebook.com/blackcatravi/videos/4881241791935929
ഒരു മനുഷ്യൻ മരണത്തോട് മല്ലിടുമ്പോഴല്ല ഇത്തരത്തിൽ വിവരക്കേട് കാണിക്കേണ്ടത്. ബുദ്ധിയും വിവേകവും ഉള്ളവരെ ദുരന്ത നിവാരണത്തിൽ നിയമിക്കണം. കോസ്റ്റ് ഗാർഡിന്റെ ഹെലികോപ്റ്റർ കൊണ്ടു വന്നത് വിഡ്ഢിത്തവും സമയ നഷ്ടവുമായിരുന്നുവെന്നും മേജർ രവി പറഞ്ഞു.
രാഷ്ട്രീയം നോക്കി നിയമിക്കേണ്ടതല്ല ദുരന്ത നിവാരണ സേനയിലെ പദവികൾ. ബുദ്ധിയും കാര്യപ്രാപ്തിയും അനുഭവ പരിജ്ഞാനവും ഉള്ളവരെ നിയമിച്ചിരുന്നുവെങ്കിൽ ബാബുവിന് ഇത്രയും കഷ്ടതകൾ അനുഭവിക്കേണ്ടി വരില്ലായിരുന്നു. വൈകിയാണെങ്കിലും വിളിച്ച് അറിയിച്ച ഉടനെ എത്തി ബാബുവിനെ രക്ഷിച്ച ഇന്ത്യൻ സൈന്യത്തിന് അഭിവാദ്യങ്ങളും നന്ദിയും അറിയിക്കുന്നതായും അദ്ദേഹം പറഞ്ഞു.
Discussion about this post