ഗുവാഹത്തി: അസമില്‍ പ്രളയക്കെടുതിയില്‍ മൂന്നു മരണം. ദിമാ ഹസോ ജില്ലയില ഹാഫ് ലോങ് പ്രദേശത്ത് മണ്ണിടിച്ചിലിലാണ് മൂന്നുപേര്‍ മരിച്ചത്. അയല്‍ സംസ്ഥാനങ്ങളായ മേഘാലയ, അരുണാചല്‍ പ്രദേശ് എന്നിവിടങ്ങളിലും രണ്ടു ദിവസമായി ശക്തമായ മഴ തുടരുകയാണ്. പല നദികളും കരകവിഞ്ഞു. ദിമാ ഹസോ ജില്ലയിലെ 12 ഗ്രാമങ്ങളില്‍ മണ്ണിടിച്ചില്‍ റിപ്പോര്‍ട്ട് ചെയ്തു. ആറ് ജില്ലകളിലെ 94 വില്ലേജുകളില്‍ നിന്നായി 24,681 ആളുകളെ മാറ്റി പാര്‍പ്പിച്ചു.
കച്ചാര്‍, ധേമാജി, ഹോജായ്, കര്‍ബി ആംഗ്ലോങ് വെസ്റ്റ്, നാഗോണ്‍, കാംരൂപ് (മെട്രോ) തുടങ്ങിയ ജില്ലകളിലെ ആളുകളെയാണ് മാറ്റിപ്പാര്‍പ്പിച്ചത്. 100 ലധികം വീടുകള്‍ തകര്‍ന്നിട്ടുണ്ട്. പ്രളയബാധിത ജില്ലകളിലെ 1732.72 ഹെക്ടര്‍ കൃഷിഭൂമി വെള്ളത്തിനടിയിലായിട്ടുണ്ട്.
ഹോജായ്, ലഖിംപൂര്‍, നാഗോണ്‍ ജില്ലകളിലെ നിരവധി റോഡുകളും പാലങ്ങളും ജലസേചന കനാലുകളും വെള്ളപ്പൊക്കത്തില്‍ ഒലിച്ചുപോയി.
Discussion about this post