ഡൽഹി: രാജ്യസഭയിൽ പ്രതിഷേധിച്ചതിനു മൂന്ന് എംപിമാർക്ക് കൂടി സസ്പെൻഷൻ. എഎപി എംപിമാരായ സുശിൽ കുമാർ ഗുപ്ത, സന്ദീപ് കുമാർ പഥക്, സ്വതന്ത്ര എംപി അജിത് കുമാർ ഭൂയാൻ എന്നിവരെയാണ് സസ്പെൻഷൻ ചെയ്തത്. ഈ ആഴ്ചത്തേക്കാണ് സസ്പെൻഷൻ.
ഇതുവരെ രാജ്യസഭയിൽ നിന്നു സസ്പെൻഡ് ചെയ്ത എംപിമാരുടെ എണ്ണം 23 ആയി. നാല് ലോക്സഭ എംപിമാരെയും കഴിഞ്ഞ ദിവസം സസ്പെൻഡ് ചെയ്തിരുന്നു. നിത്യോപയോഗ വസ്തുക്കൾക്ക് ജിഎസ്ടി ചുമത്തിയതിനും വിലക്കയറ്റത്തിനുമെതിരേ പ്രതിഷേധിച്ചതിനാണ് കേരളത്തിൽനിന്നുള്ള മൂന്ന് എംപിമാർ ഉൾപ്പെടെ 20 പേരെ രാജ്യസഭയിൽനിന്നും സസ്പെൻഡ് ചെയ്തത്.
വിലക്കയറ്റം, ജിഎസ്ടി വിഷയങ്ങളിൽ പ്രതിഷേധിച്ച ടി.എൻ. പ്രതാപൻ, രമ്യ ഹരിദാസ്, മാണിക്കം ടാഗോർ, ജ്യോതി മണി എന്നിവരെ തിങ്കളാഴ്ച ലോക്സഭയിൽനിന്ന് ഈ സമ്മേളന കാലത്തേക്കുതന്നെ സസ്പെൻഡ് ചെയ്തത്.
Discussion about this post