ദോഹ: ഖത്തറില് നടക്കുന്ന ഈ വര്ഷത്തെ ലോകകപ്പ് ഫൈനല് തന്റെ അവസാന ലോകകപ്പ് വേദിയാകുമെന്ന് ലയണല് മെസ്സി. ഇന്നലെ സെമിഫൈനലില് ക്രൊയേഷ്യയ്ക്കെതിരെ മിന്നുന്ന വിജയം നേടിയ ശേഷമാണ് മിശിഹ തന്റെ വിരമിക്കല് വാര്ത്ത സ്ഥിരീകരിച്ചത്.
മെസിക്ക് അര്ജന്റീനയ്ക്കുവെണ്ടി ലോകകപ്പ് ഉയര്ത്താനുള്ള അവസാന അവസരമാണിത്. ഇതിനായി ഈ മാസം 18-ാം തീയതി വരെ കാത്തിരിക്കേണ്ടി വരും. അന്ന് തന്നെയാണ് ഫുട്ബോള് ആരാധകരുടെ പ്രിയ താരമായ ഈ 35കാരന് വിരമിക്കുന്നതും. ”എന്റെ ലോകകപ്പ് യാത്ര ഒരു ഫൈനല് മത്സരം കളിച്ചുകൊണ്ട് അവസാനിപ്പിക്കാന് കഴിയുന്നതില് സന്തോഷമുണ്ട്. അടുത്ത ലോകകപ്പിന് ഒരു പാട് വര്ഷങ്ങളുണ്ട്, എനിക്കത് ചെയ്യാന് കഴിയുമെന്ന് തോന്നുന്നില്ല. ഇങ്ങനെ അവസാനിപ്പിക്കാം, ഇതാണ് ഏറ്റവും നല്ലത്”, മെസ്സി പറഞ്ഞു. ഈ ലോകകപ്പില് അഞ്ച് ഗോളുകള് നേടിയ താരം ടോപ് സ്കോറര് പദവിയില് ഫ്രാന്സിന്റെ കിലിയന് എംബാപെയ്ക്കൊപ്പം എത്തിയിട്ടുണ്ട്. അര്ജന്റീനയ്ക്കുവേണ്ടി ലോകകപ്പില് 11 ഗോള് നേടിയ മെസി ഫുട്ബോള് ഇതിഹാസ താരം ബാറ്റിസ്റ്റിയൂട്ടയുടെ റെക്കോര്ഡും മറികടക്കുകയുണ്ടായി.
Discussion about this post