‘മുത്തേ പൊന്നെ പിണങ്ങല്ലെ’ അല്ല ‘ദരോഗ ജി’…; ജയിലിനുള്ളിൽ കിടന്ന് മനോഹരമായി ബോജ്പുരി ഗാനം ആലപിച്ച് യുവാവ്; കയ്യടിച്ച് പോലീസ്; വീഡിയോ വൈറൽ

പറ്റ്‌ന: നിവിൻ പോളി നായകനായ ‘ആക്ഷൻ ഹീറോ ബിജു’ എന്ന സിനിമയിൽ ജയിലിനുള്ളിൽ കിടന്ന് പാട്ടുപാടുന്ന അരിസ്‌റ്റോ സുരേഷിന്റെ രംഗം എത്ര പെട്ടെന്നൊന്നും മറക്കാൻ വഴിയില്ല. മാത്രമല്ല അവതരണ മികവ് കൊണ്ടും ആലാപന ശൈലി കൊണ്ടും പ്രേഷക മനസ്സിൽ ഇടം പിടിച്ച പാട്ടായിരുന്നു അത്. എന്നാൽ സിനിമയിലേത് പോലെ ലോക്കപ്പിനുള്ളിൽ കിടന്ന് പാട്ടുപാടിയാൽ എന്താകും അവസ്ഥ?. അടി എപ്പോൾ കിട്ടിയെന്ന് ചോദിച്ചാൽ മതി. എന്നാൽ ബിഹാറിലെ ജയിലിൽ സിനിമയെ അനുസ്മരിപ്പിക്കും വിധമുണ്ടായ സംഭവത്തിന്റെ വീഡിയോയാണ് ഇപ്പോൾ വൈറലായിരിക്കുന്നത്.

ബിഹാറിലെ ബക്‌സറിലായിരുന്നു സംഭവം. കൈമുർ സ്വദേശിയായ കനയ്യ കുമാറാണ് ജയിലിനുള്ളിൽ പാട്ടുപാടി പോലീസുകാരുടെയും ഒപ്പം സോഷ്യൽ മീഡിയയുടെയും കയ്യടി വാങ്ങിയത്. മനോഹര ശബ്ദത്തിൽ ബോജ്പുരി ഗാനം ആലപിക്കുന്ന കനയ്യ കുമാറിന്റെ വീഡിയോ കഴിഞ്ഞ ദിവസമാണ് സമൂഹമാദ്ധ്യമങ്ങളിൽ പ്രത്യക്ഷപ്പെട്ടത്.

മദ്യപിച്ച് റോഡിൽ അലഞ്ഞു തിരിയുന്നത് കണ്ടതിനെ തുടർന്നാണ് കനയ്യ കുമാറിനെ പോലീസ് കസ്റ്റഡിയിൽ എടുത്തത്. തുടർന്ന് ജയിലിൽ ഇടുകയായിരുന്നു. തന്നെ പുറത്തുവിടാൻ കനയ്യ കുമാർ ആവശ്യപ്പെട്ടെങ്കിലും പോലീസുകാർ തയ്യാറായില്ല. ഇതോടെയാണ് ജയിലിനുള്ളിലെ നിമിഷങ്ങൾ പാട്ടുപാടി ആനന്ദകരമാക്കാൻ കനയ്യകുമാർ തീരുമാനിച്ചത്.

ബോജ്പുരിയിലെ പ്രശസ്ത മെലഡി ഗാനങ്ങളിൽ ഒന്നായ ദരോഗ ജി ആയിരുന്നു കനയ്യ പാടിയത്. ആരംഭത്തിൽ പോലീസുകാർ ഇയാളോട് മിണ്ടാതിരിക്കാൻ പറഞ്ഞെങ്കിലും പിന്നീട് മധുര മനോഹര ശബ്ദത്തിൽ മുഴുകി. പോലീസുകാരിൽ ഒരാൾ ഇതിന്റെ ദൃശ്യം പകർത്തുകയും ചെയ്തു.

മാദ്ധ്യമ പ്രവർത്തകനായ അവ്‌ധേഷ് കുമാർ ആണ് സംഭവത്തിന്റെ വീഡിയോ പങ്കുവെച്ചത്. കനയ്യ കുമാറിന്റെ ഗാനത്തെ പ്രശംസിച്ച് നിരവധി പേർ രംഗത്ത് എത്തി. ബോളിവുഡിൽ നിന്നും അധികം വൈകാതെ കനയ്യയെ തേടി അവസരമെത്തുമെന്നാണ് സോഷ്യൽ മീഡിയ പറയുന്നത്.

भोजपुरी है, अश्लील नहीं… लॉकअप है,सही मंच नहीं! बक्सर में थाना के लॉकअप में बंद शख्स अचानक गाना गाने लगा.पुलिस वाले भी इस सुरीली आवाज को सुनकर चौंक गए. सोशल मीडिया पर वायरल हो रहा. किस मामले में पकड़ा गया है पता नहीं, फिलहाल गाना सुनिए और आनंद लीजिए. Edited by @iajeetkumar pic.twitter.com/AaXEgAPWYZ

— Prakash Kumar (@kumarprakash4u) January 7, 2023