സുക്മ: ഛത്തീസ്ഗഢിലെ സുക്മയിൽ സി ആർ പി എഫും സംസ്ഥാന പോലീസും സംയുക്തമായി നടത്തിയ ഓപ്പറേഷനൊടുവിൽ 7 കമ്മ്യൂണിസ്റ്റ് ഭീകരർ അറസ്റ്റിലായി. പിടിയിലായവരിൽ നിന്നും ആയുധങ്ങളും സ്ഫോടക വസ്തുക്കളും ലഘുലേഖകളും കണ്ടെടുത്തു.
കൽമു സത്യം, കൽമു ജോഗ, മാദിവി മാൻഗ, മദകം ഐത, കികിഡി ജോഗ, വന്ദോ ഉൻഗ, കൽമു ഭീമ എന്നിവരാണ് പിടിയിലായത്. നിരോധിത സംഘടനയായ സിപിഐ (മാവോയിസ്റ്റ്) യുടെ റെവല്യൂഷനറി പീപ്പിൾസ് കൗൺസിൽ അംഗങ്ങളാണ് പിടിയിലായ ഭീകരരെന്ന് സി ആർ പി എഫ് പ്രസ്താവനയിൽ അറിയിച്ചു.
സംസ്ഥാന പോലീസിനൊപ്പം സി ആർ പി എഫും ചേർന്ന് സംയുക്ത ദൗത്യ സേന രൂപീകരിച്ചതിന് ശേഷം ഛത്തീസ്ഗഢിൽ കമ്മ്യൂണിസ്റ്റ് ഭീകരത വലിയ തോതിൽ കുറഞ്ഞു വരുന്നതായാണ് റിപ്പോർട്ട്. കമ്മ്യൂണിസ്റ്റ് ഭീകരതയുടെ പുനസ്ഥാപനത്തിനായി പ്രവർത്തിക്കുന്ന സൈദ്ധാന്തികരെ കൂട്ടത്തോടെ അറസ്റ്റ് ചെയ്യുന്നത് ഭീകരരുടെ പ്രവർത്തനങ്ങൾക്ക് ദിശാബോധം നഷ്ടമാക്കുന്നതായി ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നു.
Discussion about this post